LEXO PA REKLAMA!

SHKARKO APP

"Open Balkan"/ Rama përsërit vetveten nga Beogradi, asnjë fjalë për Kosovën

4 Nëntor 2021, 11:15, Politikë CNA

Kryeministri Edi Rama në konferencën e përbashkët pas takimit me Presidentin ei Serbisë, Aleksandër Vuçiç dhe zv. kryeministrin  e Maqedonisë së Veriut, Nikola Dimitrov u ndal tek benefitet që I sjell popujve të Ballkanit nisma ?Ballkani I Hapur?.

Rama tha se në thelb kjo nismë ka zgjerimin e ekonomive dhe mirëqënien e jetës së qytetarëve të rajonit.

Gjatë fjalës së tij nuk e ka përmendur fare Kosovën, kryeministri i së cilës Albin Kurti është kundër këtij projekti.

 ?Thelbi i nismës është zgjerimi i ekonomive tona. Biznesi është njëzëri në mbështetje të nismës ?Balkani i Hapur?. Qëndrimi gjatë në kufi dëmton produktet dhe shton kostot për sipërmarrësit.

Kemi rënë dakord për një qëndrim të përbashkët drejtuar BE duke kuptuar situatën me bllokimin në sulm për anëtarësimin, por duke nënvizuar se ne nuk kemi asnjë lëkundje në rrugën për të ndërtuar në vendin tonë standardet e BE.

BE mund të konsiderojë disa hapa për të ardhur më pranë rajonit, duke integruar në rrjetin e universiiteteve, rrjetin e fermerëve, në tregun e përbashkët evropian, duke e konsideruar BP si pjesë të shteteve për të përballur krizën energjetike.

Gjatë 8 muajve të fundit fluksi i turistëve nga vendet e rajonit janë rritur. Shifrat pasqyrohen në ekonomi. I bindur që këto shifra do të vijnë vetëm duke u rritur. Nga Janari në kufijtë e vendve do të ketë relaksim për kompanitë, distributorët e fermerët.

Nismë në shërbim të njerëzve, mirëqenies ekonomike e popujve. Pavarësisht mosdakordësive meritojmë të jetojmë më mirë dhe të kemi një hapësirë lëvizje e ndërveprimi në favor të mirëqënies?, deklaroi Rama./CNA.al

Lajmet e fundit nga