web counter
LEXO PA REKLAMA!

SHKARKO APP

App Store
Google Play

Komisioni hetimor për zgjedhjet e 25 prillit/ PS kërkon informacion nga Basha

3 Nëntor 2021, 17:12, Politikë CNA

Është mbajtur këtë të mërkurë mbledhja e dytë e Komisionit Hetimor për zgjedhjet e 25 prillit.

Partia Socialiste ka kërkuar informacion nga Lulzim Basha dhe policia në lidhje me strukturën e mbrojtjes së votës  ngritur nga PD, para zgjedhjeve.

Në dy kërkesa, PS i ka drejtuar 17 pyetje Lulzim Bashës dhe 10 të tjera Policisë së Shtetit, në lidhje me themelimin, funksionimin dhe ringritjen e kësaj strukture. Ka qenë Toni Gogu, nënkryetari i këtij Komisioni i cili ka shtruar të gjitha pyetjet, ku edhe ka ngritur dyshime nëse ekziston mundësia që kjo strukturë e armatosur është ende aktive. Ai ka theksuar se kjo është një kërkesë për informacion drejtuar institucioneve, pra PS-ja nuk kërkon që Lulzim Basha në cilësinë e kryetari të PD-së dhe Gledis Nano, si Drejtor i Përgjithshëm i Policisë së Shtetit, të thirren si dëshmitarë.

“Kërkesë për Lulzim Bashën, kërkojmë informacion të detajuar, kur është themeluar struktura e mbrojtjes së votës, me çfarë platforme, akti që e ka themeluar strukturën në fjalë, si janë organizuar nga qendra e partisë deri në njësinë bazë, cila ka qenë skema organizative e kësaj strukture, si është financuar, mbi cilat kritere është bërë rekturimi, sa ka qenë numri i anëtarëve, cilët kanë qenë drejtuesit, lista ë anëtarësisë, veprimtaria e tyre dhe e secilën anëtarë, a ka pasur përpjekje nga drejtuesit për korrigjimin e akteve të kundraligjshme, a ekziston sot, kjo strukturë, nëse jo a ka skema të ngjashme që parashikojnë rithirrjen e kësaj strukture.

Kërkesa e dytë i është drejtuar Policisë së Shtetit. A ka qenë në dijeni policia e shtetit për këtë strukturë, cila ngjarje për krime zgjedhore janë kallëzuar nga kjo strukturë, në sa ngjarje rezulton e përfshirë struktura e mbrojtjes së votës, në cilat qarqe kanë ndodhur, a ka patur bashkëpunim të kësaj strukture me policinë e shtetit, po denoncime?“, ka njoftuar PS.

Ndërkohë, mbledhja e radhës u la të mërkurën e javës së ardhshme në orën 17:00./CNA.al

 

 

 





Lajmet e fundit nga