LEXO PA REKLAMA!

SHKARKO APP

App Store
Google Play

Vijon seanca në Kushtetuese/ Shoqata e Bashkive kërkon përsëritjen e zgjedhjeve të 30 Qershorit

2 Nëntor 2021, 10:30, Politikë CNA
Vijon seanca në Kushtetuese/ Shoqata e Bashkive kërkon

Në Gjykatën Kushtetuese vijon seanca për shqyrtimin e çështjes së zgjedhjeve lokale të 30 Qershorit 2019.

Mësohet se avokati Jordan Daci, i cili është përfaqësuesi i Shoqatës së Bashkive, ka kërkuar shpalljen e pavlefshme të zgjedhjeve të 30 qershorit, ç’ka sjell si rrjedhim edhe përsëritjen e tyre.

Kujtojmë këtu se shqyrtimi i zgjedhjeve vendore të 30 Qershorit ishte pezulluar deri sa të vinte përgjigjja nga Komisioni i Venecias.

Ndërsa disa ditë më parë, Komisioni i Venecias në një draft-raport shprehej se  rruga e ndjekur për zgjedhjet e 30 qershorit ka qenë e duhura dhe brenda kuadrit kushtetues. (Lexo këtu)

Çfarë kërkohet në padinë e Shoqatës së Bashkive të Shqipërisë?

1. Konstatimin antikushtetues të zgjedhshmërisë/procesit zgjedhor të zhvilluar në 30 qershor 2019 për zgjedhjen e organeve të qeverisjes vendore, të kryetarëve të bashkive dhe anëtarëve të këshillave bashkiakë, dhe si rrjedhojë konstatimin antikushtetues të zgjedhjes së anëtarëve të këtyre organeve.

Parashtrimi i paraqitur nga avokati Daci përfundon me këtë argument: “…Pra me fjalë të tjera, Komisioni thekson që këto zgjedhje nuk ishin në përputhje me parimet e një sistemi demokratik dhe që riparimi i kësaj situate, kërkon ‘de facto’ dhe ‘de jure’ mbajtjen e zgjedhjeve të tjera pa vonesë për të rivendosur demokracinë dhe sovranitetin e popullit duke përfshirë edhe besimin e publikut tek institucionet dhe procesi zgjedhor në tërësi…”

Lajmet e fundit nga