LEXO PA REKLAMA!

SHKARKO APP

Kryemadhi i kthehet jetës politike/ Hap dyert e LSI-së

2 Nëntor 2021, 13:39, Politikë CNA
Kryemadhi i kthehet jetës politike/ Hap dyert e LSI-së

Kryetarja e LSI Monika Kryemadhi, pas një periudhe të gjatë heshtjeje, ka nisur të aktivizohet.

Me anë të një postimi në rrjete sociale, Kryemadhi njofton se është takuar me Presidentin e NDI, Z. Derek Mitchell dhe drejtorin rajonal z. Robert Benjamin.

Kryemadhi e konsideron NDI si partner të LSI-së.

?Instituti Demokratik Amerikan (NDI) është një partner i vyer i LSI-së dhe Shqipërisë, për ndërtimin dhe rritjen e demokracisë në vend.

Gjatë takimit të sotëm me Presidentin e NDI, Z. Derek Mitchell dhe drejtorin rajonal z. Robert Benjamin, vlerësova mbështetjen e pakursyer të ofruar ndër vite dhe bashkëndamë mendimin për nevojën e pavarësimit dhe fuqizimit të parlamentit, si institucioni bazë që garanton një demokraci funksionale që i shërben të gjithë qytetarëve?, shkruan Kryemadhi në rrjete sociale.

Ndër të tjera, Kryemadhi ka zbardhur kërkesat që u ka shtruar drejtuesve të NDI-së

?Duke i shprehur nevojën për një aktivitet të shtuar të NDI në Shqipëri, me theks tek mbështetja e të rinjve dhe grave në politikëbërje, i nënvizova qëndrimin tonë, se Integrimi i Shqipërisë në familjen evropiane, duhet shpëtuar nga pengmarrja e interesave private të politikanëve, dhe LSI do të vijojë e angazhuar, si një opozitë konstruktive për të çuar përpara reformat dhe aksionet e nevojshme që e realizojnë këtë mision sa më parë?, ka shkruar më tej Kryemadhi./CNA.al

Lajmet e fundit nga