LEXO PA REKLAMA!

SHKARKO APP

Vrau bashkëfshatarin e tij/ Gjykata e Lezhës dënon me 10 vite e 9 muaj burg 60 vjeçarin

30 Tetor 2021, 07:46, Kronika CNA
Vrau bashkëfshatarin e tij/ Gjykata e Lezhës dënon me 10 vite e 9

Gjykata e Lezhës ka dënuar me 10 vite e 9 muaj burg, Mhill Gegën, 60 vjeçarin, i cili përplasi me makinë me dashje bashkëfshatarin e tij, Mark Gjeta në Mirditë.

Organi i akuzës ka vërtetuar se ngjarja ka qenë e qëllimshme dhe ndaj 60 vjeçarit rëndon akuza e vrasjes me dashje.

Sipas hetimeve, rezulton se, dy bashkëfshatarët kishin patur konflikte prej dy vitesh me njëri-tjetrin dhe në ditën e ngjarjes kanë patur një tjetër përplasje.

Pas debateve me bashkëfshatarin, Gega ka shkuar në shtëpi dhe ka marrë automjetin e tij tip Benz dhe ka përplasur Mark Gjetën.

Në deklarimet e tij, Gega ka mohuar akuzën e ngritur ndaj tij, duke e quajtur ngjarjen një aksident, ndërkohë që ka pranuar se ka patur konflikte me viktimën./ CNA.al

Lajmet e fundit nga