LEXO PA REKLAMA!

SHKARKO APP

E fundit!

x

Prerje kokash dhe tonelata kokaine/ Megaoperacioni në Belgjikë, goditet mafia shqiptare

27 Tetor 2021, 17:30, Kronika CNA
Prerje kokash dhe tonelata kokaine/ Megaoperacioni në Belgjikë,

Mbi 1 mijë forca policore u angazhuan në një megaoperacion për goditjen e një grupi mafioz shqiptar në Belgjikë. Referuar mediave belge, në prangat e policisë kanë rënë 64 persona, pjesa më e madhe shqiptarë, të akuzuar për trafikim kokaine.

Operacioni i njohur ndryshe me emrin ?Sky? nisi të martën që në orët e para të mëngjesit, ku policia kreu një kontroll blic në 100 banesa në Bruksel. Policia ka sekuestruar 6 laboratorë droge, dhjetëra armë zjarri si dhe 57 makina luksoze. Gjithashtu mësohet se është sekuestruar edhe një sasi e madhe me monedha ari, një makineri për numërimin e parave, rreth 1 milion euro  cash dhe të paktën 300 m3 duhan kontrabandë.

Prokurori federal, Federic Van Leeuw u shfaq  i shokuar pas këtij operacioni dhe tha se gjithmonë është menduar se narcos-it ishin në Amerikën Latine.

Grupi mafioz shqiptar mësohet se lëvizte me makina luksoze, çanta Louis Vuitton e Dior, mbanin ora Rolex dhe Bulgari, tha një prokuror.

Ky grup  mendohet se ka trafikuar tonelata me kokainë nga Afrika e Jugut për në Bruksel duke përdorur avionë privatë dhe kontenierë anijesh.

Nga hetimi, janë zbuluar edhe ngjarje të tjera kriminale të këtij grupi mafioz, të tilla si vrasje, gjymtime, copëtime trupash e prerje kokash./CNA.al

Lajmet e fundit nga