web counter
LEXO PA REKLAMA!

SHKARKO APP

App Store
Google Play

E fundit!

x

3 maska me limon për të pasur fytyrë të pastër dhe të shëndetshme

18 Tetor 2021, 06:19, Lifestyle CNA

Jo vetëm në kuzhinë, duhet të nisni që ta përdorni limonin edhe për të bërë maska për fytyrën në kushte shtëpie.

Limoni është i pasur me vitaminë C dhe është një antioksidant i fuqishëm. Maskat me limon rekomandohen për lëkurë të yndyrshme dhe mikse. Mjafton që t`i shtoni disa përbërës që të gjithëve na ndodhen në kuzhinë dhe ta aplikoni në fytryrë. Rezultatet do të jenë të mahnitshme, pasi fytyra juaj do të duket më e ndriçuar dhe yndyra do të reduktohet ndjeshëm.

Limon dhe të bardhë veze

Ndani të bardhën e vezës nga e verdha dhe të bardhën rriheni mirë. Shtojini disa pika limon dhe përziejeni mirë masën. Lërëni 10-15 minuta dhe shpëlajeni me ujë të vakët. Duhet të keni parasysh që maskat nuk aplikohen kurrë në zonën e syve dhe të buzëve.

Limon dhe mjaltë

Kjo është maska më e thjeshtë që mund të ekzistojë. Merrni një lugë çaji mjaltë dhe shtojini disa pika limon. Maskën mund ta mbani në fytyrë 20-25 minuta dhe më pas shëplajeni me ujë të vakët. Mos harroni që pasi keni larë fytyrën duhet të vendosni gjithmonë hidratues.

Maskë me limon, sodë buke dhe kos

Kjo maskë është paksa agresive, prandaj nuk rekomandohet për lëkurat delikate. Përzieni një lugë kafeje kos me një lugë kafeje sodë dhe shtojini disa pika limoni. Përziejeni derisa masa të bëhet në formë paste dhe aplikojeni në fytyrë. Mbajeni derisa të thahet dhe shpëlajeni me ujë të vakët./CNA.al





Lajmet e fundit nga