LEXO PA REKLAMA!

SHKARKO APP

E fundit!

x

“Nuk mban fjalën, t'i vijë turp”/ Rama sulm BE-së për Kosovën

27 Shtator 2021, 16:21, Aktualitet CNA
“Nuk mban fjalën, t'i vijë turp”/ Rama sulm

Kryeministri Edi Rama ka zhvilluar një takim me studentë të Universitetit të Prishtinës, ku ka sulmuar Bashkimin Evropian, duke thënë se nuk e ka mbajtur fjalën për liberalizimin e vizave.

Rama është shprehur se mosmbajtja e fjalës nga BE për liberalizimin e vizave për Kosovën, Shqipërinë e Maqedoninë janë arsye se përse duhet të përshpejtohet nisma ?Ballkani i Hapur?.

?Rruga e vetme për të dalë nga inercia e pafundme e prodhimit të historisë dhe për të prodhuar mirëqenie është ?Ballkani i Hapur?. Sot ju duhet të lëviznit lirisht pa viza, jeni i vetmi komunitet në Europë, me viza dhe jeni të vetmit që aleanca euro-atlantike e ka çliruar nga një diktaturë etnike.

Është një absurd, që gjyshërit dhe prindërit tuaj, jetonin nën Sllobodan Millosheviçin dhe lëviznin lirisht në Europë me pasaportën e Jugosllavisë apo ku di unë, ju jetoni në një shtet sovran dhe nuk lëvizni dot. Pse? Sepse BE nuk mban fjalën. I thanë Kosovës, duhet të bëni këto detyra, që janë teknike, i bëri Kosova të gjitha, këtë e thotë raporti i vetë BE-së.

Ky është një turp. E kuptojnë, por nuk ju vjen turp dhe kaq. Për arsye të brendshme dhe kaq. Shqipëria duhet t?i kishte filluar negociatat, por nuk i fillon, tani na ka dalë historia e Bullgarisë. Ata nuk i bëjnë as mbajtjen peng të Kosovës, as Shqipërisë, nuk e bëjnë se janë kundër jush apo nesh, ata e bëjnë sepse kanë arsye të politikës së brendshme. Sot BE udhëhiqet nga interesa lokale dhe sondazhet.

Nga ne varet të bëjmë maksimumin që të zgjerohemi këtu, se këtu nuk vjen BE të thotë mos hiqni kufijtë, apo lëvizjen e lirë të kapitaleve”, tha Rama./ CNA.al

Lajmet e fundit nga