LEXO PA REKLAMA!

SHKARKO APP

E fundit!

x

Tre vite pa Fatos Baxhakun/ Një personalitet, një mik që i mungon Festivalit Ballkanik të Filmit dhe Kulinarisë

2 Shtator 2021, 06:19, Kulturë CNA
Tre vite pa Fatos Baxhakun/ Një personalitet, një mik që i mungon

Rreth 35 filma nga Greqia, Turqia, Bullgaria, Rumania, Shqipëria, Mali i Zi, Sllovenia dhe Kroacia janë në konkurrim në edicionin e 11-të të ?Balkan Film Food Festival? që ka hapur siparin një ditë më parë në Pogradec.

Më anë të një shënimi në rrjete sociale, ata shprehen se se askush si Baxhaku nuk dinte të përcillte filozofinë e Festivalit Ballkanik të Filmit dhe Kulinarisë, të cilin shpesh kishte qejf ta quante Festivali i Miqësisë!

?Për të tretin vit radhas, në këtë edicion na mungon miku ynë dhe shpirti i këtij festivali, Fatos Baxhaku, i cili për 8 vite rresht mirëpriste dhe frymëzonte me mençurinë dhe thjeshtësinë e fjalëve  të tij, të ftuarit e Festivalit.

Askush si ai dinte të përcillte filozofinë e Festivalit Ballkanik të Filmit dhe Kulinarisë, të cilin shpesh kishte qejf ta quante Festivali i Miqësisë!?, thuhet në shënimin  e tyre.

‘Thjesht ballkanas’

“Gjithnjë kam menduar se Pogradeci është vendi ideal për të ndejtur me miq e shokë. Mbase është magjia e liqenit që ua bën njerëzve zemrat më të hapura, mendjet më të kthjellta dhe sytë më të qeshur e vezullues. Mbase është ai tisi i hollë i legjendave të vjetra që sillet rrotull mbi qytet sa herë që dielli del në krah të Malit të Thatë, mbase? ka plot mbase ky qytet.

Porse një gjë e vetme është fakt historik: Pogradeci dhe krahinat rreth tij kanë qenë gjithnjë vende që banoheshin nga njerëz punëtorë dhe me mendje të hapur. Njerëz të të gjitha besimeve dhe kombësive ballkanike kryqëzoheshin këtu duke marrë e dhënë në paqe me njëri-tjetrin.

Që prej kohësh që nuk mbahen mend, liqeni, njësoj si ?vëllai? i tij më i madh Mesdheu, e kishte vendosur me kohë ekuilibirn mes njerëzve që flisnin gjuhë të ndryshme. Nga jeta e gjatë e përbashkët, pak nga pak, këta nisën të bëhen të ngjashëm, aq të ngjashëm saqë pjesa tjetër e botës nisi t?i quajë me një emër të vetëm: ballkanas.

Dhe ja ku jemi sot ne, pasardhësit e atyre njerëzve me kapele të leshta dhe me mustaqe të stërmëdha, të mbledhur sërish bashkë, të ndryshëm në disa gjëra, por të ngjashëm fund e krye në shumë të tjera, të bashkuar sërish me atë emrin e vjetër, i cili i kapërcente mëritë, cmirat, zemërvogëlsinë dhe injorancën. Dikur na bënin bashkë perandoritë e mëdha, të jetuarit nën të njejtën peshë të rëndë të pushtetit. Sot na bën bashkë të jetuarit në një ?perandori? tjetër, ajo e artit.

Një javë mbase është mjaftueshëm, por mbase është edhe pak për të njohur njëri-tjetrin nëpërmjet filmave tanë. Këtë mund ta themi veçse në fund të këtij festivali. ?Balkan Film & Food Festival? do të mbledhë rreth vetes shumë miq, të vjetër e të rinj. Këto ditë do të kemi rastin të shohim nëse regjisorët, aktorët dhe prodhuesit e sotëm ballkanas janë duke ecur në gjurmët e legjendarëve të tillë si Kostas Gravras, Teo Angelopulos, Bekim Fehmiu, Emir Kusturica dhe shumë të tjerëve.

Por jo vetëm kaq, duke parë filmat në konkurim do të kemi rast të bëjmë një udhëtim imagjinar nëpër vendet tona, një udhëtim të munguar që prej shumë kohësh.

Thotë një kompozitor i njohur ballkanas: Nëse nuk ia vemë veshin muzikës së tjetrit, atëherë askush nuk do t?ia verë veshin muzikës tonë. Unë këtë shprehje të mënçur do ta përshtasja për filmin: Le të shohim filmat e njëri-tjetrit, vetëm kështu, duke u njohur me njëri-tjetrin do të na shtohet stima reciproke. Dhe vetëm kështu do ta meritojmë plotësisht atë emrin e vjetër ballkanas, të cilin dikur e mbanin me dinjitet stërgjyshërit tanë me mustaqe të stërmëdha ”

Gerta Qurku Eno Milkani  Bashkia Pogradec (Faqe Zyrtare) ART IM PULSE Bunker Film #balkanfilm Action Production

Lajmet e fundit nga