LEXO PA REKLAMA!

SHKARKO APP

App Store
Google Play

E fundit!

x

150 vjet lindja e tij/ Historiani përkujton rilindasin Adham Shkaba Stratoberdha

26 Gusht 2021, 07:37, Kulturë CNA
150 vjet lindja e tij/ Historiani përkujton rilindasin Adham Shkaba

Historiani Niko Kotherja ka përkujtuar një nga rilindasit, Adham Shkaba Stratoberdha, në 150 vjetorin e lindjes.  Adham Shkaba ishte nga themeluesit e shoqërisë patriotike të shqiptarëve të Bullgarisë nën emërtimin ?Dëshirë? dhe si delegat i tyre, patrioti mori pjesë në punimet e Kongresit të Manastirit, nëntorin e vitit 1908.

?Ky vit përkon me 150 vjetorin e lindjes dhe 75 të prehjes në amshim të ?shpirtit dhe zërit të shqiptarëve të Sofjes?, rilindasit Adham Shkaba Stratoberdha. Me 1893 ishte nga themeluesit e shoqërisë patriotike të shqiptarëve të Bullgarisë nën emërtimin ?Dëshirë? dhe si delegat i tyre, patrioti mori pjesë në punimet e Kongresit të Manastirit, nëntorin e vitit 1908. Në faqet e ?Kalendarit Kombiar?, në revista e gazeta të Rilindjes sonë Kombëtare, e pamundur që të mos gjesh emrin e rilindasit të shquar, atij që i dha zë me peshë idealeve të shqiptarëve të Sofjes. E nuk kishte si të mungonte portreti i madh i Skënderbeut në kafenenë ?Albania? që ai hapi në Sofje bashkë me shokun e tij rilindas Spiro Garo.

Thuhet që krijimtarinë e tij poetike të botuar dhe të pa botuar, Adham Shkaba e përmblodhi në një dorëshkrim me 233 faqe.

Vizita e fundit që Adham Shkaba bëri në atdhe i takon vitit 1937, kur solli në Tiranë flamurin e shoqërisë ?Dëshirë?, relike kombëtare kjo që sot gjendet në stendat e Muzeut Historik Kombëtar. Aso kohe Adhami mori pjesë në kremtimet XXV vjetorit të Pavarësisë Kombëtare, si veteran i Rilindjes Kombëtare Shqiptare.

Sot, për shumëkënd, emri i tij ngjet i panjohur, por jeta dhe veprimtaria e Adham Shkabës përbën një model të adhuruar, përbën një manual përkushtimi ndaj atdheut. ????, shkruan Niko Kotherja./ CNA.al

Lajmet e fundit nga