LEXO PA REKLAMA!

SHKARKO APP

Kryebashkiaku i Vlorës infektohet me Covid/ "Duhet të qëndroj i izoluar"

21 Gusht 2021, 20:19, Politikë CNA
Kryebashkiaku i Vlorës infektohet me Covid/ "Duhet të

Kryebashkiaku i Vlorës, Dritan Leli ka bërë me dije se është infektuar me Covid-19.

Përmes një postimi në rrjetet, Leli shprehet se i vjen keq se nuk mund të marrë pjesë në Festën e Kuçit, duke kujtuar edhe vëllanë e tij të ndjerë, Edin, për të cilin thotë se ishte energjia e çdo feste ku ishte i pranishëm.

Është hera e parë që Festës së Kuçit, takimit të përvitshëm të brezave, i mungon Edi. I mungon fizikisht sepse, për të gjithë, është si të ishte aty. Janë mbledhur sot pa Edin, por janë mbledhur për Edin, për shpirtin dhe themeluesin e këtyre takimeve që vitet e kthyen në traditë. Edi ishte energjia e çdo feste, kudo ku ishte i pranishëm. Tani, të gjitha takimeve, u mungon pjesa më e mirë, entuziazmi i pakursyer dhe bujaria e tij. U jam falenderues miqve të tij, miqve tanë, organizatorëve dhe gjithë kuçjotëve që janë mbledhur sot për ta kujtuar, për të jetuar këto orë me historitë e Edit, me të qeshurën e tij ngjitëse që njësoj siç shpërndahej çdo ditë në Vlorë, për vite me radhë, në fund të gushtit, udhëtonte gjithnjë në Kuç.

Më vjen keq që për shkak të ditëve që duhet të qëndroj i izoluar prej Covidit, nuk mund të jem i pranishëm, por mendimet për Edin na bëjnë njësoj bashkë! Kujtojeni Edin, gjithmonë, ashtu siç ishte kur ju bëri bashkë dhe ashtu siç jetoi deri në fund, me vrrullin e ëndrrave në të cilat besonte. Kjo festë është e kuçjotëve dhe e Kuçit! Gëzuar“, shkruan Leli./ CNA.al

Lajmet e fundit nga