LEXO PA REKLAMA!

SHKARKO APP

Pritja e refugjatëve afganë/ Rama flet për mediat italiane: Nuk i jap leksione askujt

19 Gusht 2021, 11:58, Politikë CNA
Pritja e refugjatëve afganë/ Rama flet për mediat italiane: Nuk i

Kryeministri Edi Rama, në një intervistë për mediat italiane, ka folur për ardhjen e refugjatëve afganë në Shqipëri, i ka quajtur vendet që i kanë refuzuar si ?hipokritë? dhe pa ?memorie?.

Ndër të tjera Rama është shprehur se mirëpritja e refugjatësve afganë është një detyrim për Shqipërinë dhe se pritet të vijnë 2-3 mijë persona.

?Nuk i jap leksione askujt. Aq më pak Italisë, ndaj së cilës jam shumë i lidhur. Por, po them se pritja e refugjatëve është detyrim i yni. Unë mbaj mend Millosheviçin, mbaj mend luftën, refugjatët, vdekjen torturat. Ishim ne afganët dikur, për ju italianët?, tha Rama.

Kryeministri është shprehur se ashtu si për Shqipërinë edhe për Italinë, mirëpritja e refugjatëve afganë është një detyrim.

?Historia jonë na e imponon këtë gjë?, ka thënë Rama. E kemi jetuar luftën dhe kujtesën e saj e kemi të freskët. Nëse Evropa është e dyzuar edhe për Afganistanin, është sepse s?e mbajnë mend historinë?, thotë Rama./ CNA.al

Lajmet e fundit nga