web counter
LEXO PA REKLAMA!

SHKARKO APP

App Store
Google Play

E fundit!

x

Shtatori politikës/ Qeveria e re, opozita dhe lufta e SPAK dhe SHBA me korrupsionin

16 Gusht 2021, 17:41, Politikë CNA

Shtatori pritet të jetë i nxehtë, shumë i nxehtë për politikën për shkak dhe të goditjeve që pritet të japë SPAK në lidhje me shumë dosje dhe afera korruptive, por dhe një listë të famshme që qarkullon dhe me emra, por duket deri diku ?abuzive? individësh që ambasada e SHBA pritet ti bëjë publike, për revokime vizadh apo vendime të marra nga institucione në lidhje me këta personazhe të botës së politikës, medias apo biznesit për të cilët amabasada mund të ketë informacione të ndryshme për lidhje me korrupsion.

Por përtej kërtyre dy shpresave, shtatori pritet të jetë i nxehtë në politikë edhe për një shkak tjetër.

Partia Demokratike do të kthehet në Parlament pas gati dy vite e gjysmë nga braktisja që i bëri atij me djegien e mandateve në shkurtin e vitit 2019. Një hap i dështuar, skandaloz, vendim fatal i Lulzim Bashës, vendim i tij personal që çojë në katastrofë opozitën. 

Rruga e ndjekur e çojë në një përplasje të fortë me ambasadën e SHBA, me diplomatë të huaj të cilët Lulzim Basha i akuzoi në mënyrë banditeske por përfundimi ishte se dorëzoi 61 bashki në tavolinë më pas humbi dhe zgjedhjet e 2021 me strategjitë e tij të dështuara, me paaftësitë e tij, dhe tashmë do të kthehet në Parlament.

Në Parlament do të kthehet si triumfator, do luaj me tezat e tij se votat ia vodhën, se kemi pasur një krim zgjedhor, një masakër elektorale të bërë nga socialistët, nga Edi Rama, paratë e shtetit, korrupsioni e të tjera si këto, të cilat i futi dhe në disa raporte ndërkombëtare për ti pasur si flamur me rikthimin e tij në Parlament.

Një shtator i nxehtë për Parlamentin i cili duket se do të ketë dhe një skenë tjetër, atë të qeverisë, qeverinë e re të Edi Ramës i cili pritet ta shpallë atë jo në Parlament më parë, por në një mbledhje të socialistëve, një qeveri e cila pritet të jetë me të paktën më shumë se 50% e kabinetit me emra të rinj.Pritet të ketë dhe emra surprizë në qeverinë Rama-post 2021.

Shtatori do të jetë i nxehtë për politikën edhe për faktin se ish kryeministri Sali Berisha vazhdon të jetë i vendosur për të hyrë në Parlament ndërkohë që SHBA pasi e kanë shpallun non-grata, po kërkojnë distancimin e opozitës nga emri I tij, dhe mos shfaqen në Parlament, por mesaduket beteja do të vazhdojë.

Në shtator politika do të ?ndezë luftë? e saj. Luli do të vetëshpallet armiku i Ramës, Rama nga ana tjetër do ta ironizojë, dhe kështu do të ketë beteja në Parlament, akuza  dhe kundërakuza. Basha do të tentojë te godasë qeverinë për ta çuar atë sa më poshtë me shpresë e një ringritje të tij, PD dhe aleatëve në zgjedhjet lokale.

Duket se opozita e ka më të vështirë situatën. Lulzim Basha vjen pas humbjes së tretë në zgjedhjet parlamentare dhe shumë disfatash elektorale, pa diskutuar këtu dhe goditjen që i kanë dhënë ndërkombëtarët dhe amerikanët ish liderit historik të PD, Sali Berisha.

SocialiStët duken më të qetë, por në radhët e tyre ka frikë! Ka frikë për korrupsionet dhe skandalet, jasht tyre nuk qëndron dhe kryeministri. Ka frikë në ish ministra të cilët mund të arrestohen, ka frikë në emra deputetësh dhe zyrtarësh të lartë që mund të jenë deputet dhe pritet tu shpallen emrat nga një listë e famshme e ambasadës së SHBA.

Prandaj shtatori pritet të jetë i nxehtë për politikën, ashtu siç pritet të jetë i nxehtë për Reformën në Drejtësi dhe pritshmëritë nga SPAK apo dhe vetë ambasada e SHBA e cila tashmë duket qartë që është flamurtare e Reformës në Drejtësi dhe luftës kundër korrupsionit në Shqipëri./CNA.al





Lajmet e fundit nga