Ekskluzive-Intervista e plotë/ Murrizi zbulon skandalet miliona euro të Panaritit e Vojo Bregut

15 Gusht 2021, 19:53, Politikë CNA

Ekskluzive-Intervista e plotë/ Murrizi zbulon skandalet miliona euro

Kreu i LDSH-së Myslim Murrizi, është përfshirë në debate të ashpra me dy eksponentët e LSI Edmond Panariti dhe Vojo Bregu.

Pasi i kallëzoi në SPAK për abuzim me paratë publike, nuk kanë munguar dhe replikat në rrjetet sociale mes tyre.

Në një prononcim ekskluziv për CNA.al, Murrizi ka treguar dhe cila është zanafilla e këtyre debateve, ndërsa ka paralajmëruar dhe dokumente të tjera ?gozhduese? në SPAK ndaj tyre.

Sipas Murrizit, nga dy tenderat me vlerë rreth 11 milionë euro, më shumë se 5 kanë përfunduar në xhepat e të ?pangopurve?.

Intervista:

Zoti Murrizi, ka ‘plasur’ një debat mes jush dhe disa eksponentëve të LSI, cila është zanafilla?

Zanafilla janë tenderat miliona euroshe të firmosur nga kjo tufë kur ishte në pushtet 4 vjet me PD dhe 4 vjet me PS e që as PD e as PS nuk kanë këllqe ti denoncojnë se janë vetë deri në fyt me zullume me tendera.

Unë kam denoncuar në SPAK dy tendera dhe pres që SPAKU të hetoj e të vendos vetë nëse ka abuzime dhe korrupsion apo jo. U habita me reagimet e vemjeve qe nuk jua kam dëgjuar ndonjëherë kurrë zërin për dy vjet që isha në Parlament bashkë me ta.

Unë nuk kam denoncuar në facebook sipas qytetarit dixhital por në SPAK dhe këta nuk kanë pse bëjnë ciu ciu nëper facebook por çfarë kanë ti deklarojnë në SPAK.

Po sulmoheni ashpër nga Edmon Panariti dhe Vojo Bregu, ku ndryshojnë të dy nga skandalet e Ministrisë së Bujqësisë?

Nga Panariti hajde de por nga ky Vojo që nuk ja njoh as surratin veç firmën tek lidhja e mbi 130 tenderave si sekretar i përgjithshëm nuk e di se çfarë mendon ky lider se mund të më impresionoj me postime fb.

Ndoshta ka hallin e tenderave të kamerave të hidrovureve se nga infot që kam e ka fituar një kompani qe ka dyqanin mbi farmacinq greke tek buzq e Lanës e ndoshta është o firmë e tij o e ndonjë miku të tij.

Ose ka hallin e Karimit të famsheëm Bangladeshas që mori 1140 hektarë tokë, mori shtetesi Shqiptare për 67 orë qëndrim edhe pse ishte i shpallur në kërkim ndërkombëtar për pastrim parash dhe sot është në burg në vendin e tij e ka hedhur në gjyq Shqipërinë e i kërkon 1 milion euro. Sepse të gjitha letrat e këtij Karimit i ka bërë studio ligjore e vjehrrit të Vojos. Nuk shoh ndonjë ndryshim të madh mes tyre veç dorës dhe dorovitjes ndaj padrinos së tyre.

A do çoni dokumente gozhduese si në rastin e ministrit Sandër Lleshaj dhe sekretarit të tij, duket të jemi në të njëjtën situatë?

Po do të dërgoj edhe dokumenta të tjera në SPAK duke filluar nga 53 kontratat e dhënies në përdorim të 24 mij hektareve tokë që qeveria e viteve 2005-2013 i kishte vënë në dispozicion të agjensisë së kthimit dhe kompesimit për ish pronarët e që këta jua dhanë klientëve të tyre dhe kujdo kontigjenti të huaj apo vendas që ju ngrohi xhepin.

Do të ftoja SPAKUN të hetonte të gjithë tenderat që mbajnë firmën e Vojo Panaritit në vitet 2013-2017 por me pikantet janë medikamentet për mizën e ullirit, motorrat për veterineret ku kostumi dhe dorashkat janë blerë 2 herë më shtrejtë se motorri, kamerat e hidrovureve dhe plot të tillë.

Sa është abuzimi i dyshuar nga ju?

Vetëm për dy tenderat që unë kam denoncuar pra rreth 6 milion euro sistemi i ujitjes në bashkinë Divjakë që nuk ujit asnjë dynym toke dhe 4.5 milion euro blerja e 1912 mëshqerrave mendoj që mbi 5 milion euro kanë përfunduar në xhepat e të pa ngopureve./CNA.al