E fundit!

16:18 Politikë

"Paketa e Maleve është e kundërta e asaj që thuhet"/ Rama takim me banorët e Thethit

Kryeministri Edi Rama po zhvillon ditën e sotme një bashkë...

Armando Subashi, kurbani i radhës në PS/ Bien këmbanat për arrestimin e tij

16 Korrik 2021, 12:51, Aktualitet CNA

Pas Lushnjes ?furtuna? e drejtësisë, duket se do të zhvendoset në Fier.

Pas kryetarit të Bashkisë së Lushnjes Fatos Tushe, sinjalet janë dhënë për kryetarin e Bashkisë së Fierit, Armando Subashi.

Ka qenë deputeti socialist, Petro Koçi, i cili sot i ka bërë thirrje SPAK-ut, që të zbresë në Fier.

Ndonëse nuk ka përmendur emra, akuzat e tij kanë qenë të forta në drejtim të kryebashkiakut Armando Subashi.

Lidhja e protagonistëve të botës së krimit me zyrtarë të caktuar, financimi apo lidhja e subjekteve me bandat kriminale dhe kërcënimi i subjekteve konkurrente, janë sipas Koçit, 3 mënyrat sesi krimi ka shtrirë duart në financat publike.

?Protagonistë të trafikut të drogës dhe të dhunës tashmë kanë legalizuar subjekte biznesi që fitojnë tendera publike.

Këtë e realizojnë ose nëpërmjet lidhjeve të drejtpërdrejta me ndonjë titullar institucionesh ose nëpërmjet kërcënimit të zyrtarëve të caktuar që ekzekutojnë prokurimet si edhe nëpërmjet eleminimit të konkurentëve në procesin e tenderimit duke kërcënuar pronarët e subjekteve të biznesit.

Të fuqizuar sidomos duke larë paratë e pista në industrinë e ndërtimit ata vazhdojnë të përvetësojne fitime kolosale nga taksat tona?, është shprehur Koçi me anë të një deklarate në rrjete sociale.

Lidhjet me ?Ben Qimen?

Kryetari i Bashkisë së Fierit, Armando Subashi, është përfolur në media por edhe nga Opozita për lidhjet e tij të fuqishme me të gjithë individët me rekorde kriminale që nga koha që ka qenë kryetar i Gjykatës së Fierit.

Ai dyshohet se ka abuzuar me detyrën, duke dhënë leje ndërtimi për njerëz të botës së krimit.

Në vitin 2017, ish-kryeministri Sali Berisha, bëri publike, denoncimin e një qytetari, i cili ankohej se me rregullimin e qendrës së qytetit të Fierit, atyre do t?u prishen shtëpitë dhe bizneset për të favorizuar të ashquaujturin ?Ben Qimja?.

?Çdo gjë po bëhet arbitrarisht. Jane 2 persona që marrin çdo tender apo sipërmarrje në Fier. Arben Isufaj (Ben Qimja) dhe A. Goga. Ky është projekti me kullën pas Gjanicës?, shkruante në denoncimin e tij qytetari.

Po në vitin 2017, Subashi është kallëzuar penalisht më herët nga Partia Demokratike për abuzim me detyrën, me pretendimin se ka bërë prishje selektive në funksion të rikonstruksionit të bulevardit kryesor të qytetit.

Subashi i ?dorëzon? Bashkinë gruas

Subashi ndër të tjera është përfolur se në Bashkinë që ai drejton ligjin e bëjnë gruaja dhe i vëllai.

Ka qenë Monika Kryemadhi kryetarja e LSI-së e cila e ka bërë publike një gjë të tillë.

Sipas saj, bashkia e Fierit, nuk drejtohet nga ?kryetari? por nga ?gruaja? e tij.

?Ju e dini vetë shumë mirë dhe e ndjeni këtu në Fier sesi socialistët për të shkuar dhe për të mbaruar një punë Bashkinë e Fierit nuk e mbarojnë dot sepse ne e dimë të gjithë dhe e thotë i gjithë Fieri që Kryetari i Bashkisë së Fierit nuk është Kryetari, por është gruaja e Kryetarit, e thonë fierakët vetë?, ka thënë më herët Kryemadhi.

Por, duket se tashmë as gruaja, as dikush tjetër nga familja e tij, nuk mund të bëjnë ligjin në Bashki, pasi paralajmërimi i deputetit Petro Koçi do të thotë se parngat janë shumë afër.

Kështu kurbani i radhës në PS pritet të jetë kryetari i Bashkisë së Fierit Armando Subashi./CNA.al