LEXO PA REKLAMA!

SHKARKO APP

Procesi skandaloz zgjedhor në PD/ Nga zhdukja e anëtarëve në lista tek votimi në grup

13 Qershor 2021, 12:43, Politikë CNA
Procesi skandaloz zgjedhor në PD/ Nga zhdukja e anëtarëve në

Zgjedhjet për kryetar të PD po zhvillohen nëpërmjet një procesi skandaloz që i ka fillesat nga listat dhe deri tek mënyra se si po votohet.

Nga listat rezulton se janë hequr 26 përqind e anëtarëve.

Nga 102 mijë anëtarë të deklaruar nga kreu i Komisionit Zgjedhor Jemi Gjana është raportuar për 75 mijë anëtarë.

Për më tepër në këto lista ka manipulime.

 Së pari mungojnë mungojnë drejtues strukturash, si në Gjirokastër dhe Përmet.

Kandidati për kryetar të PD në zgjedhjet e fundit në Gjirokastër, Gjergji Dudi nuk e ka emrin në listë.

Edhe në Përmet ish-Kryetari i PD dhe ish-kryetari i Bashkisë Niko Shupuli nuk janë në listën e anëtarësisë.

Gjithashtu në Përmet edhe 150 anëtarë të Partisë Demokratike nuk e  kanë gjetur veten në lista dhe nuk janë lejuar të votojnë me kartat e vjetra.

I njëjti fenomen është denoncuar edhe në Tiranë,ku ish kreu i njësisë numër 11 Haki Mustafa, ka rezultuar i zhdukur nga lista.

Së dyti në qendrat e votimit po votojnë njerëz pa pasur teserën e anëtarësisë, vetëm me kartë identiteti .

Dhe është verifikuar në shumë raste që persona të tjerë  votojmë për emra të tjerë.

Raste të tilla janë identifikuar në Kavajë, ku persona kanë marrë 5 -6 fletë votimi për të votuar në emër të familjes.

Pra, në tërësi ka një proces manipulimi, sepse nuk po kontrollohen kartat e identitetit, ka një proces manipulimi, sepse po votohet në grup.

CNA.al do të vijojë të raportojë hap, të gjithë procesin, në mënyrë transparente dhe me fakte./CNA.al

Lajmet e fundit nga