LEXO PA REKLAMA!

SHKARKO APP

REPORTAZH-Në shtëpinë ku qëndroi Nënë Tereza/ Monumenti i Kulturës i lënë në harresë

10 Qershor 2021, 06:54, Kulturë CNA
REPORTAZH-Në shtëpinë ku qëndroi Nënë Tereza/

Shenjtoren Nënë Tereza e njeh e gjithë bot.  Ajo ka vend në çdo cep të botës, por në Shkodër edhe më shumë.

E vendosur në rrugicat karakteristike të Shkodrës, Shenjtorja Nënë Tereza, mendohet që në vitët 1932-1933 ka jetuar në një banese dy-katëshe e cila ka prej vitesh statusin Monument Kulture.

Sot kjo banesë prej vitesh mirëmbahet nga Tonin Prela.

Tonini na njeh me historinë por edhe domëthënien që ka për të dhe familjen e tij kjo banesë.

Unë jam shumë besimtarë. Babi im më ka thënë se familja e Anjezë Gonxhe Bojaxhi u zhvendos këtu në mars të vitit 1932. Kanë qëndruar një vit dhe babi im e gjyshi i lëshuan këtë banesë që atëherë ishte e ndarë në dy pjesë pasi ishte edhe e vjetër. Nuk e di me datë por babi im tregonte se një javë gjatë kësaj kohe ka ardhur edhe Anjeza, pra Nënë Tereza. Atëhere ajo ishte 17 vjeçe. Ne e quajmë si një mrekulli, sepse nisëm të besonim shumë. Për mua dhe familjen time, ardhja e saj në këtë shtëpi ka qënë si një bekim“.

Më tej pronari i shtëpisë na tregon edhe pajisjet e vjetra që janë përdorur nga Nënë Tereza dhe familja e saj.

Në banesë janë ende karriget dhe tryeza e viteve 30-të, ndërkohë që në katin e dytë është edhe shtrati ku ka fjetur Nënë Tereza gjatë qëndrimit të saj në Shkodër. Ja, mund ta shihni është një shtrat i vogël, tamam si shtati i Shenjtores, as batanijen nuk e kam lëvizur kurrë, se është ajo me të cilën është mbuluar Nënë Tereza“.

Ajo e cila vijon të marrë vëmendje është letra e shkruar nga Nënë Tereza. Unë lutem gjithmonë për ju thoshte në shkrimin e saj shenjtorja me famë botërore.

 

Turistët nuk kanë qenë të shumtë. Më shumë janë peligrinazh nga vendet e lindjes, ata që vijnë. Janë prej atyre që e njohin historinë e Nënë Terezës dhe duan të vizitojnë banesën ku ka jetuar. Për këtë Prela nuk ka vendosur asnjë tarifë, por ka lënë vetëm një kuti nëse dikush e ndjen për të kontribuar.

Viti i lavdisë së shtëpisë muze ishte në vitin 2010, kur Nënë Tereza mbushi 100 vite nga lindja e saj.

Në atë kohë këtë shtëpi e vizituan edhe Presidenti Bamir Topi dhe bashkëshortja e tij Teuta Topi ku kjo e fundit la edhe këtë shënim

Kaluam pas një vit të vështirë, dhe sektori i turizmit mori edhe goditjen më të madhe.

Munguan turistët e huaj, edhe shtëpia e Nënë Terezës nuk pati më vizitorë. Prela dhe bashkëshortja e tij tashmë i kanë kaluar të 80-at, ndaj janë të pafuqishëm për t?u kujdesur. Ata kërkojnë ndihmën e institucioneve për ta lyer dhe mirëmbajtur këtë banesë.

?Ne jemi në moshë. E ofruam me dëshirë këtë shtëpi duke e kthyer në muze. U kalua edhe Monument Kulture i kategorisë së dytë, por asnjëherë nuk u mbështet nga institucionet. Ne kerkojmë ndihmën e drejtorisë së kulturës që të ndihmojë për mirëmbajtje, në të kundërt do të detyrohemi që ta mbyllim pasi nuk mundemi më!”

Tashmë mbetet në dorë të institucioneve nëse kjo shtëpi do të jetë pikë referimi për vizitorët apo do të mbyllet ende pa marrë jehonën që meriton./CNA.al

 

Lajmet e fundit nga