REPORTAZH-Turizmi në Dardhë/ “Shtëpia e gjuetarit”, destinacioni i preferuar i vizitorëve

4 Qershor 2021, 06:14, Kulturë CNA

Në këto ditë të ngrohta qershori, tani që fillon sezoni turistik në Shqipëri, e vetmja gjë që mund të mendojmë për të qetësuar mendjen nga zhurma e përditshme në qytet, është të largohemi drejt një fshati turistik.

Zgjedhja më e mirë mbetet padyshim fshati turistik i Dardhës në qytetin e Korçës, aty ku mund të shijojmë natyrën e qetë, ajrin e pastër, dhe kulinarinë tradicionale.

Të gjitha këto mund t?i gjejmë tek ?Shtëpia e Gjuetarit?, një hotel në fshatin turistik që përcjell më së miri të gjitha atraksionet e fshatit.

E ndërtuar në vitin 2009, kjo ndërtesë 3 katëshe e përbërë nga 8 dhoma, po ashtu me bar dhe restorant, ka rruajtur stilin tradicional arkitekturor.

Një stil i përshtatur me fshatin, e gjitha e ndërtuar me mure guri dhe me tavane prej druri, stil i cili i nevojitet një ambjenti mikpritës, larg modernes që mund ta hasim nëpër hotelet e qytetit.

Aty na priti pronari i hotelit, Ardian Seferi, i cili me shumë mirënjohje na ftoi të uleshim e të bisedonim gjatë për këtë atraksion turistik që preferohet së tepërmi nga vizitorët.

Ardiani në fakt është gjahtar, e kjo ka bërë që t?i vendosë emrin hotelit ?Shtëpia e Gjuetarit?.

Prej 21 vitesh ai punon së bashku me bashkëshorten dhe disa të punësuar të tjerë në staf, për të kënaqur çdo vizitor që zgjedh të kalojë fundjavën aty, apo edhe vizitorët që shkojnë për të konsumuar drekën tek restoranti i tyre.

?Dardha është një nga fshatrat që preferohet shumë nga vizitorët, qofshin ata vendas por edhe të huaj. Është një nga fshatrat që gjejme tradicionalen, dhe për këtë arsye edhe hotelin e kemi ndërtuar me këtë stil arkitekturor.

Në stinën e dimrit turistët mbushin plot fshatin, sa kemi patur raste kur s?kemi mundur ti sigurojmë qëndrimin të gjithë të interesuarve. Dimri në Dardhë është magji më vete që nuk krahasohet me asgjë tjetër, as me verën, është bora ajo që i jep hijeshi dhe shumë turistë vijnë vetëm për borën.

Ne kemi bërë gjithsej 8 dhoma, që normalisht janë suita familjare, dhoma single dhe double. Në disa prej tyre vendosëm që tavanin dhe arredimin përreth ta bënim me dru dhe kjo sjell pamjen e një shtëpie tradicionale, e në pjesa tjetër kemi zgjedhur të vendosim një oxhak me dru zjarri, dhe dritare të mëdha që sheh natyrën?, shprehet ai.

Por çfarë kërkojnë menjëherë turistët sapo mbërrijnë tek ?Shtëpia e Gjuetarit??

Ushqimet tradicionale të zones, me një shumëllojshmëri produktesh bio dhe gatime të ccastit që të bëjnë të prisni me ?ankth? e shumë kuriozitet deri sa t?i provoni ato.

Gjatë bisedës tonë në tavolinë nuk munguan petullat me djathë dhe mjaltë, një ushqim perfekt për një mëngjes të këndshëm. Por këto nuk janë të vetmet që mund të gatuhen tek ky vend.

Ardiani na tregon preferencat e turistëve

?Të gjithë turistët që vijnë tek ne, i kanë menduar më parë se çfarë do të konsumojnë, sepse kanë dëgjuar për gatimet tona të veçanta.

Lakrori në saç mban rekordin e pëlqyeshmërisë, po ashtu bulmeti bio, zahiretë e dimrit dhe mjaltin që ne e kemi të shtëpisë, pra e përgatisim vetë.

Zakonisht në mëngjes preferohet të konsumohet qumështi, vezët e fërguara apo edhe të zjera, petullat me mjaltë ose djathë. Dreka normalisht që është më e bollshme, gjithmonë porositet fillimisht lakrori në saç me të gjitha llojet e gjellërave që mund të përmbajë ai, po ashtu edhe mishra të ndryshëm, rosto, gulash, lakra të egra por edhe turshitë që sërish i përgatisim në shtëpi.

Ndërsa në darkë zakonisht preferohen supëra me perime dhe pulë, dhe llojet e sallatrave që kushdo mund ta zgjedhë sipas dëshirës.

E veçanta në hotelin tonë është se të gjitha produktet e bulmetit dhe zahiretë e dimrit po ashtu edhe mjalti, janë të gjitha të përgatitura nga ne, dhe kjo sjell besim tek klientët tanë? .

Pasi pamë të gjitha ambjentet e brendshme të ndërtesës, së bashku me Ardianin dolëm në oborr për të shijuar natyrën e qetë dhe gjelbërimin e pishave dhe bredhave që rrethonin të gjithë hotelin.

Në verandë e po ashtu në oborr janë vendosur disa tavolina që gjatë stinës së verës të gjithë turistët mund të shijojnë qëndrimin e tyre në ajër të pastër, nën tingujt e cicërimave të zogjve por edhe në shoqërinë e sorkadheve.

?Kemi rreth 10 vjet që sorkadhet janë bërë pjesë e familjes tonë, dhe është gjëja më e mirë që kemi bërë, pasi këtu është vendi më i përshtatshëm për këtë lloj kafshe.

Kemi gjithsej tre sorkadhe, dhe fatmirësisht jemi i vetmi biznes që mund të kujdeset për to, për shkak të terrenit ku hoteli është pozicionuar dhe ka hapësirë mjaftueshëm që të shëtisin brenda rrethimit. Arsyeja tjetër që i mbajmë është pikërisht te kënaqësia që u jep vizitorëve, e në veçanti fëmijëve të vegjël që kënaqen duke luajtur e duke i ushqyer?, tregon më tej Ardiani.

Në këtë ambjent kaq të mrekullueshëm nuk mund të mungonte edhe një burim uji.

Është pikërisht burimi i quajtur ?Uji i Qelbur?, ujë i cili për shkak të përmbajtjes së squfurit vjen pak aromë, por e veçanta e tij qëndron tek fakti se është kurativ për veshkat.

Pasi ka kaluar viti i vështirë i pandemisë, Ardiani shprehet optimist për ardhjen e vizitorëve edhe këtë sezon turistik.

Pjesa më e madhe e vizitorëve janë ata vendas, me të shumtë nga Tirana, Durrësi e Shkodra. Por nuk mungojnë as ata të huaj ku pjesa më e madhe janë nga Europa, nga shtete si Gjermania, Italia e Franca.

?Shtëpia e Gjuetarit? është vendi ku bëhen bashkë të gjitha atraksionet turistike, natyrore dhe kulinaria tradicionale korccare. Mjafton të hedhësh shikimin drejt pyjeve sapo futesh në fshatin Dardhë, për të dalluar menjëherë vendndodhjen e hotelit. Kontakt : Ardian Seferi 0697371772/ CNA.al