web counter
LEXO PA REKLAMA!

SHKARKO APP

App Store
Google Play

E fundit!

x

Kufinjtë me Greqinë/ Autoritetet fqinje “i japin dritën jeshile” shqiptarëve

1 Qershor 2021, 19:51, Aktualitet CNA

Greqia ka hapur kufinjtë me Shqipërinë, të cilat ishin mbyllur për shkak të pandemisë së Covid-19.

Stacioni i Policisë Kufitare Kapshticë bën të ditur se deri në datën 7 qershor hyrje-daljet nuk do të ndryshojnë, përveç punonjësve sezonalë.

Mësohet se kuota ditore e pranimit vijon të jetë 400 persona, ndërsa të gjithë udhëtarët duhet t?i nënshtrohen një testi të shpejtë COVID-19, pranë palës greke të pikës së kalimit dhe duhet të plotësojnë formularin e regjistrimit.

?Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se regjimi i hyrje-daljeve të shtetasve, nuk do të ndryshojë deri në datën 07.06.2021. Në drejtim të Greqisë do të lejohet hyrja e shtetasve shqiptarë, me statusin e punëtorit sezonal përgjatë intervalit kohor nga ora 08:00-16:00. Këta shtetas do t?i nënshtrohen një testi të shpejtë COVID-19, pranë palës greke të kësaj pike kalimi.

Kuota ditore e pranimit vijon të jetë 400 persona, të cilët duhet të plotësojnë formularin e regjistrimit PLF në adresën http://www.travel.gov.gr dhe pasi të kenë marrë konfirmimin, mund të lejohen që të hyjnë në tokën greke.

Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo europianë të tjerë). Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve?, thuhet në njoftim./ CNA.al





Lajmet e fundit nga