E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënuar këtë të enjte në Lozhan të M...

Thellohet skandali me inceneratorin e Fierit/ Faktet, “këmbanë alarmi” për SPAK

27 Tetor 2020, 13:18, Politikë CNA

Prej rreth gjashtë muajsh CNA.al ka publikuar me detaje një dosje të plotë investigative, në lidhje me koncesionin e inceneratorëve në Shqipëri.

Akuza të pafundme janë hedhur në lidhje me një grup biznesmenësh dhe qeverinë shqiptare për përpunimin e mbetjeve, e cila fillon në Elbasan, shkon në Fier dhe përfundon në Tiranë.

Disa qindra milion euro, ku ndërlidhen të njëjtët emra, të njëjtët personazhe, por me emra kompanish të ndryshme, të cilat fillojnë në Tiranë, përfundojnë në Maltë dhe në Hollandë. Personazhe me emra të ndryshuar, dhe me të kaluar të dyshimtë. Të akuzuar si pjesë e grupeve kriminale, por në kompanitë e lidhura me njëra-tjetrën, nuk mungojnë edhe ish-menaxher lokalesh, juristë, persona pa asnjë aktivitet biznesi që në një moment të caktuar shpërthejnë dhe marrin koncesione qindra million euro, përfshirë televizione, politikanë, biznesmenë.

Opozita, prej gati 10 ditësh ka përvetësuar kauzën mediatike të denoncimit të PPP-së, koncesionit të inceneratorëve.

Një aferë e quajtur nga mediat, por edhe opozita, e cila ka filluar ta denoncojë para gati pesë vitesh, që prej ndërtimit të të ashtuquajturit incinerator në Elbasan.

Ndërsa në Tiranë dhe në Fier, ende nuk ka një incinerator.

Por, ndërsa dosjet e inceneratorëve janë dorëzuar në SPAK, vijonë ta dalin në dritë të tjera detaje dhe fakte që thellojnë edhe më tej skandalin.

Drejtuesi i Departamentit për Mjedisin në PD, Jamarbër Malltezi ka zbuluar të tjera fakte në lidhje me inceneratorin e Fierit.

Në një postim në rrjetet sociale, Mallttezi shkruan se “mjafton që SPAK të shohë Lejen Mjedisore dhënë brenda pesë ditësh për inceneratorin e Fierit. Tre herë ka ndryshuar vendi, ndërsa leja mjedisore mbeti e njëjtë.”

Habitatet kanë karakteristika të ndryshme ndaj duhen studiuar nq detaje. Por mesa duket vjedhja ju bllokoi sytë dhe arsyen!

Për Inceneratorin e Fierit, është bërë një studim pacavure që nuk ka as detajet e karakteristikat teknike të emëtimeve në atmosferë dhe fjalë të përgjjthshme për habitatin.

Ka marrë leje mjedisore brenda 5 ditësh, ndërsa ligji detyron procedura disa mujore përfshi detajet e karakteristikave, modelim të emetimeve të gazrave sipas karakteristikave dhe trendafilit te erërave, dëgjesa publike, reflektime etj.

Sipas Malltezit, këtu ka marrë në shkelje të ligjit brenda 5 ditësh lejen mjedisore dhe pastaj të njëjtën leje mjedisore kanë përdorur si për vendodhjen e parë të propozuar në Portez, si për të dytën të propozuar në Mbrostar edhe për të tretën në Verri.

Por, mesa duket shkeljet ligjore kaq brutale janë bërë me urdher nga Rama-Koka pasi paskan pasur ?presion? ose ?hall? shumë të madh./ CNA.al

?Mori 750 milionë lekë, pa pasur asnjë punonjës?/ Thellohet skandali i inceneratorit të Fierit, gazetarja zbardh detajet

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Skandali me Inceneratorin e Fierit/ Skema mafioze, 23 milionë euro për vetëm një gërmadhe