LEXO PA REKLAMA!

SHKARKO APP

App Store
Google Play

"Kryeministri në ikje po prish marrëveshjen e 5 qershorit"/ Opozita dënon qëndrimet e Ramës

13 Korrik 2020, 17:35, Politikë CNA
"Kryeministri në ikje po prish marrëveshjen e 5 qershorit"/

Opozita e Bashkuar, përmes një deklarate dënon me forcë tentativën e Edi Ramës për prishjen e Marrëveshjes së 5 Qershorit për Reformën Zgjedhore.

Sipas opozitës, veprimet e fundit të Ramës rrezikojnë të prishin konsensusin e arritur me ndërmjetësimin dhe mbështetjen e SHBA dhe BE, si dhe vënë në rrezik stabilitetin e vendit. Po ashtu, opozita shqetësohet se Rama po dëmton shanset e Shqipërisë për nisjen e negociatave të anëtarësimit me Bashkimin Europian.

“Ky veprim diabolik po kryhet vetëm për pushtetin personal të Edi Ramës dhe motivohet prej frikës së tij nga zgjedhjet. Ai dëmton rëndë interesat e qytetarëve shqiptarë, të cilët janë braktisur dhe tradhëtuar nga kryeministri në ikje, duke i lënë të vetëm përballë krizës më të thellë të pandemisë dhe atë ekonomike që është pasojë direkte e dështimit dhe papërgjegjshmërisë së tij dhe qeverisë së tij. Kurrë më parë nuk ka ndodhur që të ndryshohet Kushtetuta e Shqipërisë dhe rregullat e lojës së një gare elektorale në mënyrë të njëanshme dhe pa konsensus mes palëve pjesëmarrëse në zgjedhje. Ky provokim i ulët dhe sjellje tipike prej autokrati që ka frikë nga zgjedhjet e lira e të ndershme, synon të nxisë konflikt politik në vend në prag të zgjedhjeve të ardhshme, që janë kyçe për demokracinë dhe ecurinë e Shqipërisë në rrugën e saj europiane”, shkruhet në deklaratë.

Opozita e Bashkuar vë në dukje se ka informuar edhe Presidentin  e partnerët ndërkombëtarë. /CNA.al

Lajmet e fundit nga