LEXO PA REKLAMA!

SHKARKO APP

E fundit!

x

"Tq pika pika robt"/ Nishani revoltohet me Ramën: Çfarë epiteti mund t'i vesh këtij kryeministri

4 Maj 2020, 18:31, Politikë CNA

Ish-presidenti, Bujar Nishani ka reaguar ashpër ndaj kryeministrit Edi Rama lidhur me gjuhën e përdorur nga ky i fundit me komentuesit në rrjetet sociale.

Nishani shtroi pyetjen se çfarë epiteti mund t’i vëjë kryeministrit që flet me gjuhë banale ndaj qytetarëve.

?Unë po bëj një kundërpyetje për qytetarët. Çfarë emri tjetër mund të ketë kreu i një qeverie kur në komunikim me qytetarët, në përgjigje të halleve dhe probleme të tyre të shumta dhe ankesave të arsyeshme, kryeministri i vendit ju thotë ?tq pika pika (?) robt kush je ti mor zagar?. A ka më epitet tjetër që mund t’i thuash një kryeministri kur flet me këtë gjuhë ndaj qytetarëve të vendit?”, u shpreh ai në Fax News.

Ish-presidenti ka shprehur indinjatën edhe për masat e marra, teksa tha se është i shqetësuar se vuajtjet, rreziqet dhe sfidat në çdo familje shqiptare, përballen me paaftësinë dhe papërgjegjshmërinë e një qeverie për të lehtësuar sa më shumë të jetë e mundur situatën.

“Të mos harrojmë se vetëm në dhjetëditëshin e fundit të muajit mars kjo qeveri vendosi në funksonim mekanizmat e parë që ishin skandaloze, qoftë shëndetësore qoftë sociale. Kemi një pandemi, nga ana tjetër kemi angazhimin e qeverisë për ta përballuar, por si është angazhuar? Së pari legjislacioni që është mekanizmi thelbësor i gjithë procesit, në këtë legjislacion, qeveria që nuk ka treguar vullnet për të përballur pandeminë por të bëjë politikë, duke fshehur paaftësinë dhe bërë si shpëtimtare. Ka aprovuar në mënyrë korrekte një legjislacion emergjence për shkaqet e fatkeqësisë natyrore, por de fakto ka implementuar pa e mbështetur në legjislacion masat për gjendjen e jashtëzakonshme, në mënyrë të kundraligjshme, në mënyrë kriminale”, nënvizoi Nishani./ CNA.al

Lajmet e fundit nga