LEXO PA REKLAMA!

SHKARKO APP

E fundit!

x

A është Dvorani "kokë turku" për marrëveshje me Ramën?/ Flet Meta: Nuk ka arsye...

4 Maj 2020, 17:31, Politikë CNA

Çështja e nxehtë Meta-Dvorani ka qenë një nga temat kryesore të politikës gjatë ditëve të fundit dhe është përkthyer nga disa analistë si një marrëveshje mes presidentit me kryeministrin Edi Rama.

Kreu i Shtetit ka mohuar që Dvorani të jetë “kokë turku” për marrëveshje me Ramën, ndërsa tha se një gjë e tillë nuk ekziston.

Sipas tij, nuk ka asnjë marrëveshje me kryeministrin dhe theksoi se çdo veprim i tij lidhet me respektin për Kushtetutën.

?Zero marrëveshje, nga ana ime në respektin e Kushtetutës, të ligjeve! Dhe sidomos të Kushtetutës, sepse ajo është mbi çdo ligj dhe për fat të keq ne kemi nxjerrë gjatë kësaj kohe mjaft ligje që dalin mbi Kushtetutën dhe që është një çmenduri! Është sikur në ushtri të dalë një kapter mbi gjeneralin! Apo në diplomaci që një atashe ambasade të dalë mbi ambasadorin, sepse kështu është e ndërtuar e gjithë arkitektura e shtetit ligjor!

Megjithatë, këto gjëra, për fat të keq këto gjëra kanë ndodhur në vendin tonë dhe ne kemi mjaft probleme në funksionimin e shtetit ligjor, sepse ka humbur respekti mbi Kushtetutën. Kushtetuta është mbi çdo gjë, edhe mbi gjithçka. Kështu që nuk ekziston dhe nuk ka asnjë arsye që të ketë një marrëveshje mbi këtë gjë, sepse këto janë çështje që zgjidhen nga vetë Kushtetuta, dhe ligjet në respekt të Kushtetutës, jo në dhunim të Kushtetutës, sepse secili duhet të bëjë detyrën e tij?, u shpreh Ilir Meta në emisionin “Hard Talk”./ CNA.al

Lajmet e fundit nga