Foto-Fakt/ Kur Ben Blushi merrte teseren e PD-së

4 Maj 2020, 09:43, Politikë CNA

Është një foto që nuk ka qarkulluar në media, por është e vërtetë. Është tesera e Ben Blushit. Megjithëse tallëse, pasi është quajtur fatorino autobusi, Ben Blushit iu përgatit një tesere e vërtetë.

E gjithë historia ka lindur në vitin 2013, kur si një politikan gënjeshtar dhe i paturp, Ben Blushi deklaroi se do të shkonte tek selia e PD-së dhe do të merrte teseren e saj në rast se do të hapej tuneli Tiranë-Elbasan.

Në fakt, tuneli u hap, u inaugurua, gjysma e rrugës filloi lëvizjen, por Ben Blushi teseren nuk e mori kurrë.

Ashtu siç kisht gënjyer publikisht, kujtoi se gjithçka do të harrohej. Në fakt tesera u përgatit në një mënyrë qesharake.

Gjatë inaugurimit të tunelit nga ish-kryeministri Sali Berisha, tesera e Benit ishte aty prezente. Dhe duke qënë se nuk do të shkonte ta merrte tek selia e PD-së, pasi dihej që ai ishte një gënjeshtar me nam dhe mashtrues publik, tesera iu bë gati dhe iu shfaq gjatë inaugurimit dhe më pas u vendos në Elbasan, në një nga kryqëzimet e qytetit, ku dhe Ben Blushi kandidonte si deputet i Rilindjes.

Në atë kohë Ben Blushi ishte nga ata flakadanët e mëdhenj të Rilindjes së Edi Ramës sepse shpresonte që më pas të bëhej ministër dhe thoshte gjithçka. Gënjente, shpifte publikisht. Çfarë nuk bënte duke u justifikuar me rolin e politikanit.

Kur e pa që më pas Rama nuk e bëri ministër, nuk duroi dot më shumë se një vit dhe filloi sherret me kryeministrin në detyrë, e kur e pa që nuk ia doli dot themeloi dhe një parti tjetër, e cila dështoi pa u nisur mirë dhe të cilën e shpartalloi vetë me sherre dhe konflikte, duke e zhdukur nga tregu politik. Mjafton që ajo i vlejti për t?u bërë drejtor i Top Channel, ku ka ecur së tepërmi në karrierë, me një rrogë të majme, por së fundi edhe duke ecur shumë përpara me aksione dhe ortakëri edhe me kompani kafeje, me Vjollca Hoxhën, një nga pronarët e Top Channel, por edhe pronarët e inceneratorëve me kompani në Bullgari. (Lexo ketu)

Fati ndoshta i Ben Blushit fillonte tek ajo teser që shikoni në foto, për të cilën Beni nuk shkoi ta merrte kurrë tek selia e PD-së. Dhe ne për të mos e humbur ai, po e publikojmë dhe le të ngelet në rrjet e ta ketë kujtim për sot dhe mot./ CNA.al