LEXO PA REKLAMA!

SHKARKO APP

Basha takon banorët e prekur nga tërmeti në Laç/ Askush nuk iu ka ardhur në ndihmë

14 Dhjetor 2019, 14:04, Politikë CNA
Basha takon banorët e prekur nga tërmeti në Laç/ Askush

Kryetari i Partisë Demokratike, Lulzim Basha është ndalur sot në Laç, ku ka zhvilluar takime me banorët e prekur nga tërmeti, të cilët janë strehuar në Kishën 100-vjeçare të Shën Mhillit.

Në një postim në rrjetet sociale, Basha shkruan se askush nuk ka shkuar ti ndihmojë këta banorë përveç kishës dhe vullnetarëve.

Basha thekson se edhe vetë Kisha ka pësuar dëmtime, gjë që sipas tij rrezikon jetën e atyre banorëve por edhe të shërbyesëve të Zotit.

?Kisha 100 vjeçare e Shën Mhillit në Laç, prej 18 ditësh siguron ushqim dhe strehon 50 familje në oborrin e saj, për të cilat nuk është kujdesur askush.

Vetë ndërtesa e kishës ka pësuar dëme të mëdha. Edhe pse kanë kërkuar ndihmë urgjente pasi një pjesë e saj, rrezikon të shembet duke rrezikuar kështu jetën e shërbyesëve të Zotit dhe të besimtarëve ende askush nuk i ka ndihmuar.

Mirënjohje për ekspertët që i janë përgjigjur thirrjes se opozitës për të berë një vlerësim të gjendjes së kishës. Por natyrisht është detyrimi i shtetit të bejë vlerësimin dhe të japë zgjidhje për çdo objekt.

Në këtë zonë askush përvec kishës dhe vullnetarëve nuk u ka ardhur në ndihmë fëmijëve, të moshuarve, grave dhe burrave që tërmeti dhe qeveria i ka lënë jashtë, në qiell të hapur. Tërmeti nuk i ndau njerëzit, por qeveria po i ndan. Trajtimi preferencial dhe partiak apo në bazë të miqësive, është ankesa e përditshme në cdo zonë të goditur nga tragjedia.?-shkruan Basha.

Më tej, kreu i opozitës ngre shqetësimin se vlerësimet e objekteve po kryhen nga punonjës të administratës, të cilët nuk kanë asnjë kualifikim duke rrezikuar kështu jetën e qytetarëve.

?Çdo ditë po del më qartë e më shqetësuese mënyra se si janë vlerësuar objektet. Vlerësime të ndryshme për një objekt, verifikime me mjete qesharake nga punonjës te administratës pa asnjë kualifikim, janë kthyer në kembanë alarmi për rrezikun që u kanoset banorëve në qindra banesa.

Është kriminale që qeveria të rrezikojë jetën e qytetarëve vetëm që të mos prekë lekët që u jep oligarkëve.

Kjo është dhe arsyeja pse qeveria nuk angazhoi rreth 500 inxhinierë me eksperiencë për të kryer verifikimin e objekteve. Sepse rezultati duhet të jetë sipas interesit të qeverisë dhe jo sipas realitetit.

Është pikërisht kjo neglizhencë kriminale që solli viktima ne Thumanë e Durrës me 26 nëntor. Nëse do të merreshin masa pas tërmetit te 21 shtatorit, shumë jetë do ishin shpëtuar.

Propaganda, korrupsioni dhe paaftësia po kërcënojnë seriozisht edhe sot sigurinë e mijëra banorëve që po vuajnë edhe për bukën e gojës.?-përfundon postimin e tij Lulzim Basha./ CNA.al

Lajmet e fundit nga