Ekspertët/ Pirja e duhanit, rrezikon të shkaktojë depresion dhe skizofreni

8 Nëntor 2019, 09:00, Blog CNA
Ekspertët/ Pirja e duhanit, rrezikon të shkaktojë depresion dhe

Sipas një studimi më të fundit, nëse pini duhan, jeni më të rrezikuar të prekeni nga sëmundje serioze të shëndetit mendor, si depresioni dhe skizofrenia. Shumë njerëz me probleme të shëndetit mendor, janë konsumatorë të duhanit. Ndaj studiuesit nga Universiteti i Bristolit në Britaninë e Madhe, tentuan të zbulojnë nëse është duhani ai që e shkakton atë problem, apo ai është thjesht një mekanizëm për përballimin e gjendjes, apo është një formë vetë-mjekimi.

Perfundimi? Janë që të dyja. ?Kishte dëshmi të efekteve shkakësore në të dyja situatat?- thotë dr.Robin Uton, autorja kryesore e studimit.

Ajo theksoi gjithashtu se studimi, do t?i shtohet listës tashmë të gjatë të arsyeve, se përse njerëzit nuk duhet të pinë duhan, pasi kjo do të përkeqësojë problemet e tyre ekzistuese të shëndetit mendor. Hulumtimi i publikuar në revistën ?Mjekësia Psikologjike?, monitoroi 462.690 njerëz me prejardhje evropiane, duke përdorur qasjen e rastësisë mendeliane.

Studiuesit arritën në përfundimin se njerëzit që pinë duhan, mund të preken nga depresioni më vonë gjatë jetës së tyre. Po kështu, njerëzit që vuajnë nga depresioni kanë më shumë të ngjarë

të pinë duhan. E njëjta gjë vlen dhe për skizofreninë, megjithëse lidhja është shumë më e dobët. Gjithsesi, studimi ka një dobësi të madhe:ai është përqëndruar vetëm tek qytetarët evropianë.

Megjithatë, ata rekomanduan që në spitalet psikiatrike pacientët të mos lejohen të pijnë duhan. Uton pohoi se ende nuk dihet se si pirja e duhanit e rrit rrezikun për prekjen nga kjo sëmundje, por ajo dyshon se përgjegjëse mund të jetë nikotina, pasi ajo ndikon në aktivitetet e trurit.

?Rreziqet që vijnë nga pirja e duhanit, përfshirë edhe ato të zbuluara së fundmi, duhet të bëhen gjerësisht të ditura, veçanërisht për të rinjtë, që tundohen shpesh të provojnë pirjen e duhanit? – shprehet dr.Jan Hamiltom, ekspert mbi varësinë dhe shëndetin mendor në Universitetin e Jorkut në Britaninë e Madhe.

Edhe kanabisi shton gjithashtu rreziqet

Uton theksoi se si studimi mbi efektet e kanabisit, mund të shpjegojë më së miri lidhjen midis pirjes së duhanit, dhe rrezikut për zhvillimin e depresionit dhe skizofrenisë. Sipas një studimi të botuar në revistën ?Lancet Psychiatry?, teksa ekziston një përfitim i dukshëm nga përdorimi i kanabisit për të kuruar depresionin, ankthin dhe problemet e tjera të shëndetit mendor, rreziqet e tejkalojnë atë përfitim.

Për shembull, THC, një derivat i kanabisit, përdoret si ilaç për ankthin dhe sklerozën e shumëfishtë. Studimi pretendon se provat që mbështesin përdorimin e tij janë të ?dobëta?, dhe në fakt e përkeqësojnë më tej psikozën. Për më tepër, autorët rishqyrtuan 83 studime që përfshinin në total 3.000 njerëz.

Këto studime, kanë të bëjnë me efektet e kanabinoidit mjekësor tek çrregullime të ndryshme të shëndetit mendor si sindromi Tourette, ose çrregullimi i hiperaktivitetit të defiçitit të vëmendjes (ADHD), depresioni dhe psikoza. Ajo që zbuluan ata, vërteton se provat e efekteve të saj të dobishme, janë në rastin të mirë të papërshtatshme.

Pasi shqyrtoi një numër të madh studimesh, studimi arriti në përfundimin se kanabisi e përkeqëson në fakt depresionin, ankthin dhe simptomat psikotike. Ata përmendën ndërkaq edhe disa studime të mëhershme. Një studim i mirë-konceptuar, thotë që simptomat e psikozës akute mund të ndodhin më shpesh, pikërisht për shkak të përdorimit të kanabisit.

Një tjetër studim, flet për rrezikun më të lartë nga varësia e kanabisit tek të rinjtë, grupmosha ku depresioni dhe ankthi janë mëse të zakonshme. Autorja kryesore e studimit, dr.Luiza Degenhard nga Qendra Kombëtare e Kërkimit mbi Drogën dhe Alkoolit në Sidnej të Australisë, pretendoi se studimi i tyre është realizuar në kohën e duhur, për shkak të kërkesës në rritje për kanabisin mjekësor.

Në ato vende ku kanabinoidet mjekësore janë të ligjshme, mjekët dhe pacientët duhet të peshojnë si dëshmitë e kufizuara të përfitimeve ashtu edhe rreziqet, para se të vendosin t?i përdorin ato si ilaçe, thotë Degenhard. Ajo shtoi gjithashtu se njerëzit që vazhdojnë të kurohen me këto ilaçe, duhet të monitorohen nga afër si për ndikimin pozitiv, ashtu edhe atë negativ./Natureworldnews.com- Përshtatur nga CNA.al

Lajmet e fundit nga