E fundit!

08:16 Aktualitet

Zjarr në fushën e mbetjeve në Krujë/ Tymi toksik përfshin zonën

Fusha e mbetjeve në Krujë është përfshirë nga flakët që ng...

Keni ndjesi paranormale?/ Ja cilat janë 5 shpjegimet shkencore

3 Nëntor 2019, 11:13, Blog CNA

Sipas një sondazhi të vitit 2013, 42 për qind e amerikanëve besojnë se fantazmat janë një dukuri reale. Ekzistenca e tyre, besohet edhe nga shumë njerëz në mbarë botën. Në fakt, besimi tek fantazmat, daton të paktën nga kohërat e Mesopotamisë së Lashtë. Por në shumë raste, vetë shkenca mund të shpjegojë atë që mund të duket si një mesazh nga bota e përtejme. Ja cilat

janë 5 shpjegimet shkencore, për ndjesitë paranormale që raportojnë se kanë përjetuar shumë njerëz.

?Frekuenca e frikës?

Ultratingujt në një masë më të vogël sesa dëgjueshmëria jonë, mund të shkaktojë disa ndjesi të çuditshme. Njerëzit nuk mund të dëgjojnë tinguj nën frekuencën 20 hertz. Por disa njerëz reagojnë me frikë dhe panik ndaj tingujve me frekuencave më të ulëta.

Në një dëshmi të vitit 1998, inxhinieri Vik Tand i Universitetit të Koventrit, e kaloi natën në një laborator, që besohej se ishte i përndjekur nga fantazmat. Ai dhe kolegët e tij, përjetuan episode të ankthit, ndjenë dridhje dhe të ftohtë në shtyllën kurrizore. Madje Tandi madje raportoi se pa një sferë të errët në cepin e njërit prej syve.

Nga shqyrtimet, rezultoi se një ventilator i fshehur krijonte valë me frekuencë rreth 19 hertz, që mund të shkaktojë dridhjen e cipës së jashtme të syrit të njeriut, dhe ta bëjë atë të ?shohë? iluzione optike?. ?Kur e fikëm, u duk sikur u lehtësuam nga një barrë e madhe?- deklaroi Tandi për ?The Guardian?.

Fushat elektromagnetike të pazakonta

Matësit e fushës elektromagnetike (EMF), përdoren zakonisht për të identifikuar problemet elektrike. Por ato janë gjithashtu një element kryesor i gjuetarve të fantazmave. Neuroshkencëtari Majkëll Persinger, mendon se ndryshimi normal në fushat elektromagnetike, mund të jetë një shpjegim i mundshëm për ndjesitë paranormale.

Ai e testoi këtë teori në vitet 1980, duke i vënë vullnetarëve helmeta në kokë, që lëshonin një stimulim të dobët magnetik. Tetëdhjetë përqind e tyre, thanë se kur mbanin helmetat ndjenë ?një prani të pashpjegueshme në dhomë?. Për më tepër, vende që cilësohen të përndjekura nga fantazmat si Hampton Court Palace, janë zbuluar se kanë fusha të pazakonta elektromagnetike.

Helmimi nga monoksidi i karbonit

Në një episod të serialit ?Kjo jetë amerikane?, Ira Glas dhe toksikologu Albert Donej zbulojnë një histori të vjetër fantazmash, të botuar në ?American Journal of Ophthalmology? në vitin 1921. Sipas dëshmisë ?familja e zonjës H. u zhvendos me banim në një shtëpi të vjetër, ku filloi të përjetonte atë që dukej si një aktivitet paranormal. Zëra të çuditshëm, dhe prania e një njeriu të padukshëm në dhomën e tyre të gjumit.

Ndërkohë, lulet në shtëpi po thaheshin, ndërsa fëmijët e zonjës H. kishin vazhdimisht dobësi fizike, dhe vuanin nga dhimbjet e kokës. Një investigim i shpejtë, zbuloi se furra e kuzhinës e mbushte shtëpinë e tyre me tym, që përmbante kryesisht monoksid karboni. Dihet që helmimet nga monoksidi i karboni, mund të shkaktojnë halucinacione dhe sëmundje, çka shpjegonte që të gjitha simptomat e tyre. Pas riparimit të furrës, ?dukuritë paranormale? morën fund.

Paraliza në gjumë

Shpjegimi më i zakonshëm, mbi parjen e një fantazme është paraliza e gjumit. Trupi ynë, paralizohet natyrshëm gjatë fazës së gjumit REM. Por ndjenja e paralizës, mund të terrorizojë cilindo nëse përjetohet gjatë zgjimit. Ndonjëherë, trupi dhe truri duket sikur ?kryqëzojnë telat e tyre?, dhe një person mund të përjetojë për disa sekonda deri në disa minuta paralizë gjatë zgjimit, e cila shoqërohet shpesh me haluçinacione. Ekspertët thonë se gjatë haluçinacioneve, njerëzit mund shohin çdo gjë nga merimangat tek fantazmat, dhe këto gjendje karakterizohen zakonisht nga një ndjenjë e madhe frike.

Fuqia e sugjestionit

Psikologjia sociale, mund të ketë një shpjegim për raportimet e dukurive paranomale. Një studim zbuloi se fuqia e sugjestionit, mund të jetë mjaftueshëm e fortë për t?i bërë njerëzit të besojnë se kanë qenë dëshmitarë të një ngjarje të mbinatyrshme. Pjesëmarrësit panë një video të një sëmuri të supozuar, që po përpiqej të rrotullonte një çelës me mendjen e tij. Njerëzit që ishin të ekspozuar ndaj ndikimit pozitiv shoqëror, pra kur një aktor i infiltruar brenda grupit pretendonte se e kishte parë çelësin të rrotullohej, kishin më shumë të ngjarë të raportonin se edhe ata panë diçka të tillë./Përshtati për shqip CNA.al