LEXO PA REKLAMA!

SHKARKO APP

Ja kush është e vërteta për kërcënimin që na vjen nga ISIS

4 Nëntor 2019, 07:41, Blog CNA

Nga Aaron David Miller ?CNN?

* Në debatin më të fundit midis kandidatëve demokratë për president të SHBA-së, Xho Bajden dha alarmin se ISIS ?do të vijë këtu në SHBA?, për shkak të vendimit të Donald Trump për të braktisur kurdët sirianë, dhe për të tërhequr gati të gjitha trupat amerikane nga Siria.

Megjithatë pas urdhrit fillestar të Trump për t?u tërhequr, në Siri hynë disa trupa të tjera amerikane, duke pasur në atë vend deri në 900 forca. Gjithsesi, prishja e aleancës sonë me kurdët, dhe dobësimi i politikës amerikane kundër terrorizmit, do t?i japë padyshim hapësirë dhe mundësi veprimi ISIS-it dhe grupeve të tjera xhihadiste.

A ka të drejtë Bajden? A i ka dhënë Trumpi mundësi Shtetit Islamik, që të nisë sulme ndaj territorit amerikan? Ndërsa një mundësi e tillë, nuk mund të përjashtohet krejtësisht, kërcënimi i menjëhershëm që para  qet ISIS për SHBA-në është i mbivlerësuar. Në vend, është shumë më shqetësues kërcënimi nga terroristët vendas, përfshirë ata të ekstremistët të djathtë.

Gatishmëria e administratës amerikane për të distancuar myslimanët, dështimi i saj për të miratuar ndryshimet e nevojshme në ligjin për kontrollin e armëve, dhe minimizimi i polarizimeve, vetëm sa po i përshkallëzon këto kërcënime. Duke pasur parasysh kaosin e javëve të shkuara, është e vështirë të dihet më saktësi cila është politika e SHBA-së në Siri, kur është fjala për luftën kundër ISIS-it apo partneritetin me kurdët.

Ndërsa Trump falënderoi kurdët për ndihmën e tyre, kur njoftoi vdekjen e liderit të ISIS, Abu Bakr al-Bagdadi, ai nuk e përmendi ndihmën e madhe që i dhanë SHBA-së në luftën kundër Shtetit Islamik. Forcat Siriane të Mbrojtjes, kontribuan jo vetëm me ushtarë në terren në betejën kundër ISIS-it.

Sipas komandantit të saj të përgjithshëm, ato kishin një informatory, që u dha amerikanëve informacione jetike mbi vendndodhjen e liderit të ISIS-it, dhe detaje mbi kompleksin ku ai strehohej. Kjo aleancë tani është prishur, dhe rivendosja e besimit mes palëve, nuk do të jetë e lehtë.

Ndërsa s?ka të ngjarë që ISIS të rimarrë territoret e humbura, me një madhësi sa e Britania e Madhe në kulmin e kalifatit, në Siri dhe Irak mbeten deri në 18.000 luftëtarë të këtij grupimi. Vrasja e Bagdadit, do ta dëmtojë përkohësisht organizatën, por ISIS ka nisur tashmë një rebelim, që deri tani është shoqëruar me qindra sulme terroriste në Irak dhe Siri.

Në fakt, në kushtet kur shumica e luftëtarëve të ISIS janë vendas në Siri dhe Irak, ata do ta kenë shumë më të lehtë t?i përshtaten ndryshimeve në terren. Dhe dhuna e presidentit sirian Bashar Al-Asad në luftën civile në Siri, ka të ngjarë t?i sigurojë ISIS-it një fluks të qëndrueshëm rekrutësh, teksa grupi ekstremist di të shfrytëzojë më së miri ankesat me natyrë sektare.

Trump mund të llogarisë edhe Rusinë, Turqinë dhe Iranin në luftën kundër ISIS. Por ato kanë axhenda të ndryshme nga SHBA-ja, dhe nuk kanë efikasitetin operacional kundër xhihadistëve, sikurse kishte deri më sot aleanca tashmë e shkatërruar mes SHBA-së dhe kurdëve etnikë.

Afërsia e Evropës me Lindjen e Mesme, dhe prania e rreth 2.000 luftëtarëve të huaj në radhët e ISIS, që aktualisht janë të burgosur të kurdëve, nënkupton se Evropa është shumë më e prekshme nga sulmet. Edhe pse ka më shumë gjasa që ato të kryhen nga xhihadistët vendas, të frymëzuar dhe të radikalizuar nga ISIS.

Në vazhdën e sulmeve të 11 shtatorit 2001, agjensitë amerikane të inteligjencës, bashkuan forcat për t?i kundërvënë me sukses grupeve të huaja terroriste. Por kërcënimi ka evoluar, dhe ekstremistët në SHBA radikalizohen përmes propagandës ISIS dhe xhihadit në internet.

Është mbresëlënës fakti, që të gjitha sulmet vdekjeprurëse terroriste që nga 11 Shtatori, që kanë shkaktuar vdekjen e shtetasve amerikanë, janë kryer nga banorë rezidentë ose shtetas amerikanë. Siç e bën të qartë Peter Bergen, ekspert mbi terrorizmin e brendshëm, kërcënimi i vërtetë buron nga individë ose çifte, që nuk kishin lidhje zyrtare, apo të ishin trajnuar nga grupet terroriste, por që ishin frymëzuar nga propaganda xhihadi në internet.

Megjithë retorikën përçarëse të presidentit Trump, dhe klimën tonë politike tejet të polarizuar, një strategji e efektive e anti-terrorizmit, duhet të përfshijë përpjekje më aktive për të bashkëpunuar me komunitetet muslimane, zbatuar për ta projekte arsimore, dhe luftuar kundër diskriminimit dhe stereotipizimit negativ të myslimanëve.

Trump nuk po ndihmon në këtë përpjekje. Kërcënimi nga xhihadi ? ndonëse është ende i rrezikshëm – është kapërcyer nga rreziku i terrorit të ekstremist të djathtë. Arsyet e këtyre sulmeve, janë nxitur nga një përzierje komplekse e qasjes tek armët automatike, përhapjes së propagandës së urrejtjes në mediat sociale, patologjive individuale, polarizimit politik etj, për të cilat administrata aktuale ka bërë shumë pak për t?i luftuar.

Kjo është deri tani sfida më e qëndrueshme për SHBA-në, pasi ajo sulmon thelbin e asaj që jemi si popull, dhe çfarë lloj shoqërie dëshirojmë të ndërtojmë. Armiku i jashtëm, është më i lehtë të frikësohet, identifikohet dhe luftohet. Shumë më i rrezikshëm, është pikërisht armiku që kemi këtu brenda./ Përshtatur nga CNA.al

Lajmet e fundit nga