LEXO PA REKLAMA!

SHKARKO APP

Emrat-Mashtruan qytetarët për pronat/ Arrestohen ish-punonjësit ZVRPP-Korçë

5 Dhjetor 2018, 20:18, Aktualitet CNA
Emrat-Mashtruan qytetarët për pronat/ Arrestohen ish-punonjësit

Policia e Korçës ka arrestuar pesë persona, pasi akuzohen se  i’u kanë marrë qytetarëve, sasi lekësh duke i’u përpiluar dokumenta fiktive, për regjistrim pasurish, të cilat rezultonin me probleme në përfitimin e çertifikatës së pronësisë.

 

Specialistët e Seksionit për Krimin Ekonomik-Financiar, në Drejtorinë Vendore të Policisë Korçë, bënë ekzekutimin e urdhërit të Prokurorisë, për zbatimin e vendimit të Gjykatës së Shkallës së Parë Korçë, për ndalimin e shtetasve:

Leftjon Bardho, 33 vjeç, banues në Korçë, (me detyrë ish-Drejtor në ZVRPP-Korçë).

Ersild Gorari, 34 vjeç, banues në fshatin Barç, (ish-punonjës në ZVRPP-Korçë)

 

Erjon Arifi dhe Arsidesa Hysi , 28 vjeçe, banuese në Korçë, (me detyrë regjistruese në ZVRPP-Korçë) të tre për veprat penale parashikuar nga nenet 248, 143/2, 186, 192/a të Kodit Penal.A, 36 vjeç, banues në Korçë, (ish-punonjës në ZVRPP-Korçë) nenet 143/2 dhe 186 të Kodit Penal,

Andrea Zallemi, 65 vjeç, banues në Korçë, neni 245/1 i Kodit Penal.

Ndalimi i tyre u bë pasi, Gjykata e Shkallës së Parë Korçë, me vendim datë 05.12.2018, ka vendosur për këta shtetas, masën e sigurisë “Arrest me burg” pasi në bashkëpunim me njëri-tjetrin, dyshohet se i’u kanë marrë qytetarëve, sasi lekësh duke i’u përpiluar dokumenta fiktive, për regjistrim pasurish të cilat rezultonin me probleme në përfitimin e çertifikatës së pronësisë.

Gjithashtu mësohet se ndalimi i tyre u bë pasi, Gjykata e Shkallës së Parë Korçë, me vendim datë 05.12.2018, ka vendosur për këta shtetas, masën e sigurisë “Arrest me burg”.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme hetimore./ CNA.al

 

Lajmet e fundit nga