LEXO PA REKLAMA!

SHKARKO APP

Djali i deputetit përdhunoi të renë/ Kush është zyrtari i lartë që e nxorri nga burgu

26 Shtator 2018, 15:53, Aktualitet CNA
Djali i deputetit përdhunoi të renë/ Kush është zyrtari

Nënkomisari i Fushë-Krujës, Emiljano Nuhu ka rrëfyer ditën e sotme për gazetarin Basir Çollaku, një mega skandal, ku janë të përfshirë deputetë e zyrtarë të lartë.

E gjitha ndodhi kur Nuhu mori në dorë hetimin për përdhunimin e shtetases, Xhensila Maloku nga djali i deputetit të Partisë Socialiste, Rrahman Rrahja.

Viktima u është drejtuar disa komisariateve në Fushë-Krujë, por askush nuk ia ka pranuar akuzën dhe më pas është njoftuar deputeti, sëbashku me të birin.

Në rrëfimin e tij për Çollakun, Nuhu ka thënë, se Rexhep Rrahja, u lirua nga burgu pas ndërhyrjes së Kreut të Grupi Parlamentar të Partisë Socialiste, Taulant Balla.

Ndër të tjera nënkomisari ka treguar se është kërcënuar me armë nga vëllai i deputetit, në prani të kreut të Bashkisë Krujë, Artur Bushi dhe Taulant Ballës.

Nuhu ka zbuluar se Balla i është drejtuar me ironi vëllait të deputetit, duke i kërkuar që të heqë pistoletën nga koka pasi çdo gjë që ka ndodhur do të mbetet brenda zyrës së komisariatit.

Skandali vazhdon më tej, pasi nënkomisari njoftoi eprorët e tij dhe përgjigja e tyre ishte, që duhet t?ja linin çështjen në dorë oficerit Gentian Çitozi, i cili ka lidhje familjare me deputetin. /CNA.al

Lajmet e fundit nga