LEXO PA REKLAMA!

SHKARKO APP

Skandali-Taulant Balla i armatosur në komisariat/ Kërcënon punonjësit e policisë?

26 Shtator 2018, 13:27, Aktualitet CNA
Skandali-Taulant Balla i armatosur në komisariat/ Kërcënon

Kreu i grupit parlamentar të PS, Taulant Balla ka bërë publik sot një rast, sipas të cilit PD po përgatit një skenar shpifje, të njëjtë me atë të ?Babales?.

Kreu i Grupit Parlamentar të Partisë Socialiste denoncoi dëshminë e  rremë që sipas tij që po gatuhet në zyrat e Partisë Demokratike, që e akuzojnë atë se ka qënë në mesin e personave që kanë kërcënuar oficerin e policisë së Fushë-Krujës, Emiljano Luku të mbyllte dosjen e djalit të deputetit Rahman Rrahja, i akuzuar për përdhunim.

?Inskenime të turpshme po ndodhin brenda selisë së PD. Vendosa ta bëj unë publike para se Basha të thirrë seancën e jashtëzakonshme, sipas të njëjtit skenar si ?Babale?. Prej dy ditësh jam në dijeni të një letre të një ish-polici i cili me shumë gjasa është larguar nga Shqipëria për të kërkuar azil njëlloj si ?Babale?. Kam në dorë letrën e ish-punonjësit, i cili bën disa deklarata lidhur me një rast që nuk është i ri, por i bërë publik dy muaj më parë nga Sali Berisha. Sipas tij, Emiljano Rexhep Rraja, djali i deputetit të PS, Rahman Rraja, akuzohet për një përdhunim?.-tha Balla.

Ndërsa më tej, Balla shtoi se ?Në  deklarimin e ri, përmes letrës ka shtuar edhe disa shpifje të rënda të instruktohen nga zyrtarë të lartë të PD, sipas të cilave gjatë marrjes në pyetje paska shkuar në komisariatin e Krujës edhe deputeti Rahman Rraja si dhe kryetari i Bashkisë Artur Bushi, bashkë me 10 veta të armatosur mes të cilëve paskam qënë edhe unë?.

Deputeti socialist paralajmëroi se do të ngrejë padi penale për kallëzim të rremë dhe shpifje.

?Deklaroj se ndaj këtij personi por dhe personave brenda PD do bëjmë kallzim penal për shpifje të rënda, as nuk kam qenë ndonjëherë në Komisariatin e Policisë, Krujë, as kam qenë në korrik në Krujë. Edhe është bërë vërtetim që në datat e orët që ky person thotë, kam qenë në takime publike në vende të ndryshme të Shqipërisë,? tha Balla./CNA.al

Lajmet e fundit nga