LEXO PA REKLAMA!

SHKARKO APP

Ndarja nga jeta e ish-deputetit socialist/ Mesazhi i të birit

26 Shtator 2018, 11:49, Aktualitet CNA
Ndarja nga jeta e ish-deputetit socialist/ Mesazhi i të birit

Trupi i pa jetë i ish deputetit socialist i cili ndërroi jetë gjashtë ditë më parë, Durim Hushit do të sillet nesër në atdhe.

Lajmin e bën të ditur djali i tij përmes një mesazhi në rrjetet sociale, ku më tej shkruan se homazhet dhe ceremonia do të zhvillohen ditën e premte.

65 vjeçari Durim Hushi ka qenë deputet i Partisë Socialiste në Qarkun e Elbasanit, si dhe ish-prefekti i këtij qyteti. Ai ndërroi jetë në Gjermani pasi vuante nga një sëmundje e rëndë.

Postim i të birit

Ju falënderoj të gjithëve për mbështetjen dhe fjalët e ngrohta në këto momente të vështira. Ju njoftoj se ne kthehemi nesër (të enjten) nga aeroporti i Rinasit dhe kthejmë babin për herë të fundit në shtëpi në Tiranë. Të premten do të kryhen homazhet në Teatrin Skampa në Elbasan në orën 09:00-12:00 dhe më pas zhvillohet ceremonia mortore në varrezat e Elbasanit. Faleminderit./CNA.al

 

Lajmet e fundit nga