LEXO PA REKLAMA!

SHKARKO APP

E fundit!

x

Lulzim Basha i urren gratë në PD/Si po e shkatërron  Lidhjen Demokratike të Gruas

29 Tetor 2017, 18:35, Aktualitet CNA

Barazia gjinore ka qenë një nga debatet më të spikatura në arenën politike shqiptare si dhe në të gjitha nivelet shoqërore të Shqipërisë. Kjo e kërkuar jo vetëm nga BE por edhe si peshë reale politike që femrat duhet të kenë në përfaqësimin e partive. Mos vlerësimi dhe mënjanimi i grave dhe vajzave në politikë solli edhe përcaktimin e kuotave gjinore me ligj. Pra çdo forcë politike në zgjedhje duhet të ketë jo më pak se 30% femra në lista.

Por kjo nuk ndodhi me PD në zgjedhjet e qershorit dhe nuk ka filluar këto muaj por disa vite më parë. Kreu i PD Lulzim Basha duket si njeriu që i urren gratë në politikë.

Lidhja Demokratike e Gruas, një nga organizatat më të rëndësishme dhe ikonë në Partinë Demokratike dhe me kontribut të lartë në këtë parti ka humbur çdo peshë dhe përfaqësim. LDG nuk u pyet për listat e kandidatëve për deputetë, femrat e vendosura në listë dolën nga zyra e Bashës, klientelës së tij apo dhe nga zyra e gruas së tij, asnjë propozim, asnjë përfaqësim nga LDG, përjashto Albana Vokshin kryetaren e komanduar të kësaj organizatë partnere të PD që në vitin 2009.

Edhe pse Albana Vokshi mund të jetë një deputete e suksesshme, aktive dhe me kontribut, sërish fakti që thuajse prej 1 dekade vazhdon të jetë e komanduar pa bërë zgjedhje, është në shkelje të hapur të statutit, por edhe përballë një fakti moral, mbaruan gratë në PD që nuk ka zgjedhje, Basha i urren apo i ka frikë?

Nga ana tjetër në faqen zyrtare të PD-së, Lidhja Demokratike e Gruas, rezulton thuajse inekzistente, dhe e pa përfaqësuar në aktivitete dhe jo vetëm. S’ka as një faqe zyrtare apo të dhëna qoftë edhe historike për këtë organizatë ikonë ku kanë kontribuar me mijëra e mijëra gra dhe vajza. Sot nuk vlerësohet më kontributi i tyre por i atyre që dalin nga lista e familjes së Lulit, që rekomandohen nga klientela korruptive apo paguajnë për të qenë pjesë e listave.

Me “Listën Basha”, deputetet femra të Partisë Demokratike, janë në minimumin historik të përfaqësimit. Për këtë Basha duhet të paguajë edhe një gjiobe 120 milionë lekë në KQZ që me shumë gjasa nuk do e nxjerrë nga xhepi por nga kuotat e demokratëve dhe kontribuesve financiarë të PD. Kjo është një tjetër e vërtetë e pakëndshme për kreun e PD-së, por a do tja dijë pusi nga pështyma.

Lidhjes Demokratike e Gruas rezulton se ka zhvilluar një tentativë për riorganizim  në vitin 2011, edhe kjo kur në krye të PD-së ishte ish-kryeministri Sali Berisha. Që prej këtij viti e deri më sot, nuk ka as mbledhje e as zgjedhje në këtë organizatë. Albana Vokshi është kryetare e komanduar në 2009, zgjedhje në organizatë nuk ka që më shumë se një dekadë.

Nuk donte Albana, gratë apo Luli i urren gratë? Kjo pyetje e ka një përgjigje, Basha vetë nxiroi të rizgjidhej edhe pse me paaftësinë e tij epike i shkaktoi dëme kolosale PD. Futi FRPD në zgjedhje, ku megjithëse nuk u zgjodh kllouni i tij i preferuar FRPD ka një kryetar legjitim. Në LDG ende sot nuk ka zgjedhje. Askush të mos ketë asnjë dyshim. Lulzim Basha i urren gratë demorkate dhe kontributin e tyre në PD. Shpresojmë që ky shkrim ta zgjojë Lulin, jo zyrat e klientelës dhe familjes që shërbejnë si çetë korruptive për të atapultuar personazhe qesharakë si ata të listave të 25 qershorit, ku simboli i ?dështimit? fatkeqësisht është përfaqësimi i grave dhe vajzave, të cilat ndoshta përfaqësohen nga disa burra që zëvendësojnë gra. /CityNews

Lajmet e fundit nga