web counter
LEXO PA REKLAMA!

SHKARKO APP

App Store
Google Play

Gazetari zbulon skandalin me emërimet e sotme në burgje

29 Tetor 2017, 17:35, Aktualitet CNA

Gazetari Elio Laze, ka zbuluar një skandal në komandimet e bëra nga Drejtoria e Përgjithshme e Burgjeve, pas shkarkimeve në masë.

Me anë të një postimi në rrjetet Sociale, Laze ka zbuluar se edhe pse ish-drejtori i burgut të Fierit, Arjan Hasani (propozim i PS), i pushuar nga ish-ministri i Drejtësisë Ylli Manjani, për shkelje të sigurisë në burg, është komanduar sërish drejtor, por tashmë në burgun e Peqinit.

“Bashkqeverisje me qytetaret apo me barbaret!
Ne nentor 2016 rrjetet sociale publikuan nje video skandal nga burgu i Fierit ku te denuarit ishin nxjerre nga regjimi i sigurise dhe lanin makinen e drejtorit te institucionit, Arjan Hasani (propozim i PS). Menjehere ministri i Drejtesise z. Ylli Manjani mori vendimin per shkarkimin e tij.
Edhe pse Ministri u gjend ne nje presion te madh per mosshkarkimin e tij, urdhri nuk u kthye mbrapsht.
Sot Arjan Hasani ka Rilindur. Emerohet ne postin e drejtorit te burgut te Peqinit”, – shkruan gazetari Laze.

Më tej ai shton se kjo qeveri koalicionin nuk e ka ashtu siç proklamon, pra me qytetarët, por me banditët, trafikantët dhe personat e shkarkuar.

“Qeveria e Edi Rames kuptohet qarte se koalicionin e ka me banditet, trafikantet dhe personat e shkarkuar per shkelje te ligjit. Qytetaret nuk kane vend ne kete narko-shtet ??”, – përmbyll denoncimin e tij gazetari Elio Laze. /CityNews





Lajmet e fundit nga