web counter
LEXO PA REKLAMA!

SHKARKO APP

App Store
Google Play

Xhamia të ndërtohet/ Rrëzohet padia e shoqerisë civile

24 Maj 2016, 18:09, Aktualitet CNA

Gjykata Administrative e Shkallës së Parë ka rrëzuar sot padinë e shoqërisë civile lidhur me anullimin e lejes së ndërtimit të Xhamisë së Namazgjasë. Referuar vendimit të sotëm, marrë nga gjyqtari Emiljano Ruli, mësohet se është rrëzuar padia e ngritur nga Instituti i Çështjeve Kombëtare dhe Shoqata ?Për një Zhvillim të Qëndrueshëm Eracional?. Padia e dy organizatave jofitimprurërëse kishte për objekt shfuqizimin e vendimit të Këshillit Kombëtar të Territorit, që miratonte dhënien e lejes për ndërtimin e Xhamisë së Nanazgjasë, me pretendimin se është në kundërshtim me procedurat e parashikuara nga ligji. Gjithashtu pala paditëse kërkonte ndërprerjen e menjëhershme të punimeve, ndalimin e prerjes së pemëve dhe zaptimin e trotuareve publike.

Ndërkaq, mësohet se palët paditëse fillimisht e kanë depozituar kërkesën për gjykim në Gjykatën e Shkallës së Parë Tiranë. Kjo e fundit ka deklaruar moskompetencë lëndore për të vendosur në lidhje me çështjen e në fjalë, e cila është dërguar më pas për gjykim në Gjykatën Administrative.

Referuar vendimit të sotëm të gjykatës, thuhet se objekti i gjykimit është ndryshuar me vendim Nr.2 të KKT-së. ?Kjo çështje është marrë në shqyrtim nga gjykata dhe aktualisht është duke u gjykuar në Gjykatën Administrative të Apelit? thuhet më tej në vendim. Si e tillë, çështje e ngritur nga paditëset nuk mund të zgjidhet përpara se të zgjidhet çështja administrative në Apel. Siç duket edhe në dokumentin e mëposhtëm ekskluziv të citynews, Gjykata Administrative e Shkallës së Parë ka vendour rrëzimin e padisë së OJF-ve ,të cilat do të paguajnë edhe shpenzimet gjyqësore./citynews





Lajmet e fundit nga