Zemra e Alpeve Shqiptare/ Thethi, thesari i çmuar që ka mahnitur turistët

24 Qershor 2024, 15:29, Qyteti im CNA

Zemra e Alpeve Shqiptare/ Thethi, thesari i çmuar që ka

Thethi, foto e marrë nga Google

Thethi, një fshat malor në zemër të Alpeve Shqiptare, përfaqëson një thesar të çmuar të natyrës dhe turizmit shqiptar.

I vendosur në veri të Shqipërisë, rreth shtatëdhjetë kilometra larg qytetit të Shkodrës, Thethi është i rrethuar nga malet madhështore Radohima, Sheniku dhe Papluku, të cilët ngrihen mbi 2500 metra mbi nivelin e detit.

Lugina e lartë e Thethit, me një lartësi prej 750 deri 950 metra mbi nivelin e detit dhe një sipërfaqe prej 2630 hektarësh, ofron një peizazh mahnitës dhe të papërsëritshëm që tërheq vizitorë nga e gjithë bota.

Thethi, me majat e tij mahnitëse dhe të shumta, kërkon javë të tëra për t'u eksploruar plotësisht.

Zemra e Alpeve Shqiptare/ Thethi, thesari i çmuar që ka

Thethi, foto e marrë nga Google

Kurorat e maleve, të mbuluara gjithnjë me dëborë dhe të ndriçuara nga dielli, e zbukurojnë në mënyrë të jashtëzakonshme luginën e Thethit.

Ky destinacion është një nga vendet më të preferuara nga turistët e huaj dhe alpinistët vendas e të huaj.

Thethi dhe Alpet Shqiptare, po tërheqin gjithnjë e më shumë vizitorë ndërkombëtarë, duke e bërë Shqipërinë një destinacion turistik në rritje.

Përveç bregdetit të bukur, këto vise malore ofrojnë një klimë të shëndetshme dhe mahnitëse, duke tërhequr turistë që ndalojnë në Theth ose kalojnë transit për të eksploruar rajonet përreth.

Gjithashtu Fauna e parkut të Thethit është e pasur dhe e larmishme, duke përfshirë rreth 20 lloje gjitarësh, 50 lloje shpendësh folenizues, afro 10 lloje zvarranikësh dhe rreth 8 lloje amfibësh.

Thethi, foto e marrë nga Google

Gjitarët dhe shpendët e lidhur me pyjet e larta dhe ekosistemet malore alpine kanë rëndësi të veçantë.

Ndër gjitarët më të mëdhenj të parkut janë ariu i murrmë, ujku, rrëqebulli, dhia e egër dhe kaprolli.

Parku strehon gjithashtu 50 lloje shpendësh, përfshirë qukapikët dhe shqiponjën e artë, si dhe salamandrën alpine dhe një shumllojshmëri fluturash shumëngjyrëshe.

Në ujërat e lumit Shalë që përshkon Thethin gjendet edhe trofta e mermerte.

Zemra e Alpeve Shqiptare/ Thethi, thesari i çmuar që ka

Thethi, foto e marrë nga Google

Gjithashtu, disa nga aktivitetet që mund të bëni në parkun e Thethit është sporti i ngjitjes nëpër shkëmbinjtë e pjerrët të alpeve.

Disa nga destinacionet kryesore për ngjitje nga lugina e Thethit janë: maja e Harapit, maja e Radohimës, ngjitja në Denell ku lidhet zona e Thethit me Currajt e Epërme dhe Nikaj Mërturin.

Një aktivitet tjetër është notimi, peshkimi, konetazhi ku ndër vendet më të përshtatshme janë Ura e Kolajve dhe Ura e Gerlës si dhe çiklizëm malor në rrugën nga Kopliku për në Theth përmes bunit të T’thores./ CNA