LEXO PA REKLAMA!

SHKARKO APP

SHBA po planifikon ndalimin e "TikTok"-ut/ Senatori amerikan: Propozimi duhet të shqyrtohet

13 Shkurt 2023, 14:23, Tech CNA
SHBA po planifikon ndalimin e "TikTok"-ut/ Senatori amerikan:
Foto ilustruese

Senatori amerikan Chuck Schumer është shprehur se propozimi për të ndaluar "TikTok" në SHBA duhet të shqyrtohet.

“Ne e dimë se kompania ka pronësi kineze. Ka disa njerëz në Komitetin e Tregtisë që po shqyrtojnë këtë propozim”, tha Schumer.  

Ligjvënësit amerikanë Marco Rubio, një senator republikan nga Florida dhe Angus King, një i pavarur nga Maine, thanë se kishin rifutur legjislacionin e ri që synon të ndalojë "TikTok"-un të operojë në Shtetet e Bashkuara, përveç nëse ndërpret lidhjet me pronarin e tij aktual.

"TikTok" është në pronësi të ByteDance, një nga kompanitë private më të vlefshme në Kinë.

Senatori demokrat i kërkuar Apple dhe Google që të ndalojnë "TikTok" nga dyqanet e tyre të aplikacioneve.

Zyrtarët amerikanë kanë ngritur shqetësime se Kina mund të përdorë ligjet e saj për të ushtruar presion ndaj "TikTok" ose ByteDance për të dorëzuar të dhënat e përdoruesve amerikanë që mund të përdoren për qëllime inteligjence ose dezinformimi.

Këto shqetësime kanë shtyrë qeverinë amerikane të ndalojë "TikTok" nga pajisjet zyrtare dhe më shumë se gjysma e shteteve amerikane kanë marrë masa të ngjashme./ CNA.al

Lajmet e fundit nga