LEXO PA REKLAMA!

SHKARKO APP

Habit trajneri i Kosovës: U ndjeva fajtor që mposhtëm Izraelin

16 Nëntor 2023, 17:24, Sport CNA
Habit trajneri i Kosovës: U ndjeva fajtor që mposhtëm Izraelin

Të dielën, Primozh Gliha dhe përfaqësuesja e tij e Kosovës mundën Izraelin 1-0 në ndeshjen e luajtur në Prishtinë.

Përfaqësuesja e Kosovës nuk po kalon një moment të mirë teksa rezultatet në kualifikuese nuk ishin ato që priteshin. Matematika ua lejon, por kualifikimi është shumë larg për të prekur ëndrrën Euro 2024.

Polemika me lojtarët, trajnerin Gliha, Federatën, tifozët pakënaqur kanë krijuar një ambient pak të zymtë. E si të mos mjaftojnë këto, trajneri Gliha ka befasuar të gjithë teksa ka dhënë një prononcim për mediat kroate në mes të grumbullimit ku shprehet:

“E di që do të tingëllojë e çuditshme, por ndjenjat ishin të përziera, kënaqësia e fitores, por disi u ndjeva pak fajtor që i mundëm dhe i distancuam nga mundësia për t’u kualifikuar në Europian. Ata ishin shumë korrekt. Ndryshe nga ajo ndeshje në Rumani, ku pati një ndërprerje një orëshe, ai arbitri katastrofik që na dha karton të kuq… dhe izraelitët na uruan pas ndeshjes, na lavdëruan.”, deklaroi Gliha.

Lajmet e fundit nga