LEXO PA REKLAMA!

SHKARKO APP

Kapiteni i Partizanit do t'i nënshtrohet operacionit, humb derbin me Tiranën

16 Nëntor 2023, 11:00, Sport CNA
Kapiteni i Partizanit do t'i nënshtrohet operacionit, humb derbin me

Alban Hoxha është lideri i Partizanit. Rikthimi i tij si titullar mes shtyllave ka dhënë garanci te të kuqtë, të cilët janë skuadra e momentit në Superiore.

Por jo çdo gjë shkon siç duhet dhe kapiteni i të kuqve do të mungojë rreth 1 muaj. Hoxha do t’i nënshtrohet një ndërhyrjeje kirurgjikale, pasi ka një problem me zorrët. Në pamje të parë nuk duket një operacion i ndërlikuar, por gjithsesi do ta detyrojë portierin të qëndrojë larg fushave për 1 muaj.

Operacioni do të bëhet në ditët në vijim, teksa vendin e tij te Partizani do ta marrë Pano Qirko, i cili gjithashtu rikthehet nga dëmtimi.

Në këto kushte gardiani i kryeqytetasve do të mungojë në ndeshjen më të rëndësishme të sezonit, atë ndaj Tiranës. Kjo sfidë do të luhet më 3 dhjetor në “Air Albania” duke nisur që nga ora 19:00.

Lajmet e fundit nga