LEXO PA REKLAMA!

SHKARKO APP

Silvinjo: Luhet vetëm për fitore në Moldavi, humbja do komplikonte situatën

16 Nëntor 2023, 16:53, Sport CNA
Silvinjo: Luhet vetëm për fitore në Moldavi, humbja do

Trajneri i Shqipërisë, Silvinjo, në konferencën për shtyp, deklaroi se kuqezinjtë do të luajnë vetëm për fitore ndaj Moldavisë.

Sipas tij, një humbje do e komplikonte situatën për ndeshjen e fundit dhe për këtë arsye tha se do të kërkohen 3 pikët.

"Mendoj se të dy skuadrat do të luajnë për fitore në këtë takim. Është një ndeshje mjaft e rëndësishme, pasi jemi në fund të një rruge dhe të dy skuadrat kanë objektivin e tyre të përbashkët, të shkojnë në Europian. Kemi bërë një pjesë të mirë të rrugës, por na mungon ende një biletë zyrtare dhe e dimë që na pret një finale, për ta fituar dhe për t’u kualifikuar.

Një humbje në Moldavi, do i komplikonte shumë gjërat. Një rezultat negativ këtu do të na shtonte shumë presionin për sfidën e fundit. Jemi munduar të menaxhojmë entuziazmin dhe të përgatisim mirë këtë ndeshje, pasi duam të fitojmë këtu. Ne mendojmë gjithmonë për ndeshjen e radhës dhe këtë herë jemi përgatitur për të marrë maksimumin ndaj Moldavisë.

Ndeshjet ndryshojnë nga njëra-tjetra, qoftë për kundërshtarët që ke përballë, por edhe për rëndësinë e tyre. Ne vijmë për fitore dhe do të provojmë të bëjmë më të mirën. Nuk mund të ndryshojmë mënyrën tonë të të luajturit, por do të modifikojmë diçka në aspektin strategjik, për të marrë masat mirë për kundërshtarët që kemi përballë. Moldavia nuk ka pësuar asnjë humbje në shtëpi dhe është e sigurt që të dyja do të luajnë për fitore në fushë, në takimin e nesërm.

Jemi në rregull, ndonëse na mungon Ajeti për shkak të një dëmtimi. Të gjithë lojtarët që janë këtu, kanë qenë gjithmonë në grumbullimet e tjera dhe janë gati për të bërë më të mirën. Jemi të kompletuar.

Jemi një skuadër e mirë, e qetë dhe e vetëdijshme që asgjë nuk ka përfunduar, ndaj do të kërkojmë të marrim maksimumin. Të dy skuadrat shkojnë në fushë për të fituar dhe do të provojnë ta bëjnë këtë për 90 minuta.

Ishte një grup shumë i fortë që në mars dhe tani jemi në nëntor me 4 skuadra që luftojnë për një vend në Europian. Ne jemi në vendin e parë dhe kemi bërë çdo gjë mirë, ndaj avantazhi ynë është që jemi në krye, por nuk ka përfunduar. Do të luajmë një finale ndaj Moldavisë dhe kemi shumë punë për të bërë e shumë pikë për të fituar.", tha Silvinjo. 

Lajmet e fundit nga