LEXO PA REKLAMA!

SHKARKO APP

Vranësira dhe reshje shiu/ Moti për sot dhe nesër

29 Shtator 2022, 08:08, Sociale CNA

Vranësira dhe reshje shiu/ Moti për sot dhe nesër

Vranësirat e shpeshta do të jenë prezente në të gjithë Shqipërinë, ku gjatë paradites do të krijojnë mundësi për reshje të pakta shiu në zonat veriore të vendit. Ndërsa në orët në vijim parashikohet që vranësirat të pësojnë zhvillime të përkohshme duke gjeneruar reshje të pakta shiu në një pjesë të mirë të territorit.

Temperaturat e ajrit do të rriten lehtë në mëngjes, por do të ulen në mesditë duke luhatur vlerat ditore nga 10°C deri në 26°C.

Era do të fryjë lehtë dhe mesatare me shpejtësi 40 km/h nga drejtimi jugor duke krijuar në brigjet detare dallgëzim 3 ballë.

Moti për ditën e nesërme

Vendi ynë vijon të dominohet nga vranësirat e shpeshta, të cilat herë pas here do të pësojnë zhvillime duke krijuar mundësi për reshje shiu të pakta. Pritet që më të dukshme vranësirat dhe reshjet të jenë gjatë paradites. Ndërsa pas mesdite parashikohet të ketë përmirësim gradual të kushteve të motit.

Sipas Meteoalb, temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 11°C deri në 28°C.

Era do të fryjë mesatare dhe e fortë me shpejtësi 35 km/h nga drejtimi jugor duke krijuar në brigjet detare dallgëzim mbi 2 ballë./ CNA.al

Lajmet e fundit nga