I nxehti afrikan “pushton” vendin/ Temperaturat shkojnë sot deri në 39 gradë

30 Qershor 2022, 08:10, Sociale CNA
I nxehti afrikan “pushton” vendin/ Temperaturat shkojnë sot
Foto ilustruese

Vendi ynë, si pasojë e masave ajrore afrikane do të jetë sërish në mbizotërimin e motit të kthjellët dhe të nxehtë gjatë gjithë paradites, por orët e pasdites sjellin kalime vranësirash të lehta në bregdet dhe zonat e ulëta, por pritet grumbullim i vranësirave në zonat malore përgjatë kufirit Lindor duke sjellë rrebeshe afatshkurta shiu.

Sipas Meteoalb, gjatë natës do të këtë përmirësim të motit duke bërë që i gjithë territori të jetë i kthjellët.

Temperaturat e ajrit do të ulen lehtë në mëngjes, por mbeten konstante në mesditë duke luhatur vlerat ditore nga 15°C deri në 39°C.

Era do të fryjë mesatarisht me shpejtësi 30 km/h nga drejtimi jugor duke krijuar në det dallgëzim 1-2 ballë./CNA.al

Lajmet e fundit nga