web counter
LEXO PA REKLAMA!

SHKARKO APP

App Store
Google Play

E fundit!

x

Farmacive u ndalohet shitja e testeve të shpejta COVID/ Dasho: MSH të mbajë përgjegjësi ligjore

29 Qershor 2022, 20:36, Sociale CNA
Farmacive u ndalohet shitja e testeve të shpejta COVID/ Dasho: MSH të
Erion Dasho, Ekspert i Shendetit Publik

Në një kohë kur numri i rastev të reja me COVID është rritur, gjetja e testeve të shpejta në farmaci, duket se është kthyer në një shqetësim për shumë qytetarë.

Përgjigjja e zakonshme që mund të marrësh është ‘nuk ka’, ndërsa vetë farmacitë pohojnë se nuk i lejojnë të tregtojnë teste të shpejta, madje i kërcënojnë edhe me gjoba.

Ky shqetësim është ngritur edhe më herët nga Erion Dasho, Ekspert i Shëndetit Publik.

Në një prononcim për CNA.al, ai u shpreh se trinomi testo, gjurmo, trajto, i cili u tregua efikas në Europë dhe parandaloi shumë sëmundje dhe shumë vdekje, në Shqipëri nuk u zbatua asnjëherë.

Në vendet e Europës testet e shpejta i gjen në farmaci, madje dhe në supermarkete me më pak se 1 euro, por në vendin tonë ndodh e  kundërta, ku farmacitë kërcënohen nëse i tregtojnë.

Sipas Dashos, kjo ndodh pasi Ministria e Shëndetësisë në vendin tonë, ka favorizuar hapur biznesin, madje edhe biznesin, i cili operon mbi parime etike të dëmshme dhe aplikon marzhe fitmi të pajustifikuara. Në këtë rast është qytetari ai që penalizohet edhe nga ana financiare, por vuan dhe direkt pasojën në shëndet.

Dasho thekson se kjo është një përgjegjësi jo e vogël, përgjegjësi ligjore që duhet kërkuar te Ministria e Shëndetësisë, Komiteti i Ekspertëve dhe Instituti i Shëndetit Publik, se përse nuk e kanë aplikuar një masë që e kanë aplikuar të gjitha vendet e botës.

“Sa u takon testeve të shpejta, ky është një shqetësim i ngritur herët nga unë, që kur kanë filluar të qarkullojnë testet e shpejta në Gjermani dhe në vendet e tjera të Europës ku jepeshin falas.

Ne në qendrën ku punojmë e kemi marrë falas gjithë kohës. Qyteti ofron akoma e kësaj dite testime falas për çdo person që kërkon të testohet. Në farmaci dhe madje dhe në supermarket i gjen testet me vlerë edhe më pak se 1 euro për test.

Pra, që kur këto masa filluan të merreshin në Europë unë kam kërkuar që këto masa të merreshin edhe në Shqipëri.

Trinomi testo, gjurmo, trajto, ishte trinomi i cili u tregua efikas në Europë dhe parandaloi shumë sëmundje dhe shumë vdekje.

Në Shqipëri nuk u zbatua asnjëherë, edhe sot e kësaj dite farmacitë jo vetëm që nuk lejohen por e kundërta penalizohen kur shesin teste të shpejta, kërcënohen me gjoba.

Kjo ndodh sepse Ministria e Shëndetësisë ka favorizuar hapur biznesin, madje edhe biznesin i cili operon mbi parime etike të dëmshme, parime spekulative do thoja unë dhe aplikon marzhe fitmi të pajustifikuara, marzhe fitimi që janë disa qindra përqind dhe kjo bën pastaj që qytetari të penalizohet edhe nga ana financiare dhe kur nuk ka as mundësi financiare për të përballuar këto teste, e vuan direkt pasojën në shëndet.

Mendoj se kjo e fundit është një përgjegjësi jo e vogël, është një përgjegjësi ligjore që duhet kërkuar dhe Ministria e Shëndetësisë, Komiteti Ekspertëve, Instituti Shëndetit Publik duhet realisht të mbajnë përgjegjësi ligjore se përse nuk e kanë aplikuar një masë që e kanë aplikuar të gjithë vendet e botës. Shitjen e testeve në supermarket me çmime të lira, ose dhe të subvencionuara me qellim që çdo qytetarë që ka dëshirë të vetëtestohetta bëjë këtë pa u penguar dhe patur pengesa financiare”, theksoi Dasho./E.T-CNA.al

 

 

 





Lajmet e fundit nga