LEXO PA REKLAMA!

SHKARKO APP

Fundjava do të jetë me diell/ Temperaturat parashikohen deri në 29 gradë

7 Tetor 2022, 08:07, Sociale CNA

Fundjava do të jetë me diell/ Temperaturat parashikohen deri në

Vendi ynë gjatë orëve të para të ditës parashikohet të mbetet në mbizotërimin e kthjellimeve në pjesën më të madhe të territorit.

Por orët vijuese do të sjellin kalime vranësirash përgjatë shtrirjes Lindore dhe në zonat Qendrore të Shqipërisë, ku më të fokusuara vranësirat do të jenë në zonat malore.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 8°C deri në 28°C.

Era do të fryjë mesatarisht me shpejtësi 28 km/h nga drejtimi verior -  veriperëndimor duke krijuar në brigjet detare dallgëzim 1 - 2 ballë.

Ndërsa nesër me 8 tetor 2022, sipas MeteoAlb, territori shqiptar do të vijojë të jetë në dominimin e kushteve të qëndrueshme atmosferike, të cilat do të sjellin gjatë paradites dominim të motit të kthjellët.

Ndërsa pas mesdite parashikohet të ketë kalime të pakta të vranësirave në të gjithë vendin ku më të fokusuara do të jenë në zonat malore, por nuk do të sjellin reshje.   

Temperaturat e ajrit do të rriten lehtë në mëngjes, por do të mbeten konstante në mesditë duke luhatur vlerat ditore nga 9°C deri në 28°C.

Era do të fryjë mesatareisht në det me shpejtësi 25 km/h nga drejtimi perëndimor duke krijuar dallgëzim të ulët./CNA.al

Lajmet e fundit nga