web counter
LEXO PA REKLAMA!

SHKARKO APP

App Store
Google Play

"Moto Fest Pogradec”/ Projekti bamirës, mbyllet me një festë madhështore

27 Gusht 2022, 22:44, Qyteti im CNA
"Moto Fest Pogradec”/ Projekti bamirës, mbyllet me një
Foto ilustruese

Një koncert madhëshor është organizuar mbrëmjen e sotme në qytetin liqenor të Pogradecit.

Eventi ka startuar në orën 18:30 me një paradë nga të gjithë pjesëmarrësit, të cilët janë nisur nga Sherlock Irish Pub drejt Drilonit, e më pas brenda në qytet, duke u kthyer sërish në pikën e nisjes rreth orës 20:00, atje ku qindra qytetarë kanë shijuar performancën e këngëtarëve dhe grupeve të njohura të skenës shqiptare.

Në skenë janë ngjitur "3 Musketjerët”, Renis Gjoka, Rubin Kaso etj…, të cilët ndezën atmosferën duke përcjellë për qindra pjesëmarrës emocione të forta.

Evenimenti u zhvillua në shenjë falënderimi për drejtuesit dhe donatorët e shoqatës së kamionistëve dhe motoristëve nga Gjermania (Biker-Brummi-Hilfe BBH), të cilët pas një kërkese të bërë nga Juliana Dita, shqiptare që prej vitesh jeton në Gjermani, mundësuan 10 kamionë me pajisje spitalore dhe mjete shkollore për institucionet publike.

Të mirat që merren nga ky projekt lidhen me restaurimin interior të 2 shkollave 8-vjeçare, 2 çerdheve, maternitetit si edhe spitalit. Ky restaurim konsiston konkretisht në 200 krevatë, 200 banka shkolle, 10 krevatë reanimacioni, 3 krevatë materniteti, makineri oksigjeni, aparatura dhe aksesorë spitalorë.

Ndërsa bëhet me dije se kamionët kanë mbërritur rreth orës 22:00 të mbrëmjes së djeshme në Pogradec e bashkë me ta edhe mbi 500 motoristë nga disa vende të Europës./CNA.al

 



 

 

 

 





Lajmet e fundit nga