web counter
LEXO PA REKLAMA!

SHKARKO APP

App Store
Google Play

Erion Veliaj: Në Tiranë nuk ka trafik, përveç ditëve me shi

30 Mars 2023, 22:20, Politikë CNA

Erion Veliaj: Në Tiranë nuk ka trafik, përveç ditëve

Kryebashkiaku i Tiranës, Erion Veliaj është shprehur se në kryeqytet nuk ka trafik përveç ditëve me shi apo kur është orari që qytetarët shkojnë apo kthehen nga puna.

Gjatë një interviste me gazetarin, Blendi Fevziu, Veliaj theksoi se dhe në qytetet e mëdha gjithmonë ka ngarkesë trafiku, teksa silli si shembuj disa nga kryeqytetet e vendeve të BE.

“Më rezulton që përveç të orës së pikut qartazi kur të gjithë shkojmë në punë apo kthehemi nga puna, ka një rrjedhshmëri normale. Ditët e shiut apo orët e pikut janë momente që në çdo qytet ka probleme të trafikut. Sot po të shikojmë në horizont, ka një rrjedhje të trafikut që nuk më duket dramatike. Por qyteti ka fituar një mushkri. Nëse sot hapim Il Meteo që tregon cilësinë e ajërit në qytet  nga Koperniku që është sateliti i BE. Kjo ka qenë e kuqe, sot është mirë, ndërkohë që ka qenë keq apo shumë keq. Trafiku është një sfidë e jashtëzakonshme për çdo qytet të madh fjala vjen, nuk ka trafik në Janinë,por ka në Athinë, nuk ka në Bari, por ka në Romë dhe Milano dhe nuk ka trafik në Këlcyrë dhe në Has, por ka në Tiranë. Në Tiranë të regjistruar janë 180 mijë makina, ndërkohë bashkë me ato që vinë nga rrethet janë 250 mijë makina në të njëjtin qytet me akset që kemi trashëguar nga koha e Italisë. Ajo që më rezulton nëse në hyrje të Tiranës duheshin dy apo tre orë sot kalon për pak minuta”, tha Veliaj./CNA





Lajmet e fundit nga