LEXO PA REKLAMA!

SHKARKO APP

I dënuar më parë në Greqi?/ Kryebashkiaku i Kuçovës: Nuk kam dijeni, s’më pengon të kandidoj

30 Mars 2023, 21:56, Politikë CNA
I dënuar më parë në Greqi?/ Kryebashkiaku i
Kryebashkiaku i Kuçovës, Kreshnik Hajdari

Në media kanë qarkulluar lajmet se kryebashkiaku aktual i Kuçovës, njëkohësisht kandidat i mazhorancës në zgjedhjet e 14 majit, Kreshnik Hajdari, ka qenë i dënuar në Greqi.

Lidhur me këto akuza ka reaguar mbrëmjen e sotme vetë Hajdari, i cili deklaron se nuk ka qenë në dijeni të një dënimi nga shteti grek për kalim të paligjshëm të kufirit.

Me anë të një statusi në rrjetet sociale, ai deklaron se do të interesohet zyrtarisht nëse kjo masë është e vërtetë, ndërsa pretendon se edhe nëse ekziston nuk e penalizon për kandidimin e tij për një tjetër mandat në Kuçovë.

"Të nderuar bashkëqytetarë të Kuçovës, Sot jam njohur nga mediat për një “Masë edukuese qortimi” që Gjykata e Janinës kishte marrë ndaj meje në vitin 1999 për kalim të paligjshëm të kufirit.

Kjo është hera e parë që unë mësoj për ekzistencën e një vendimi të tillë, për të cilin sidoqoftë do të interesohem zyrtarisht mbi vërtetësinë e tij. Asokohe në moshën 17-vjeçare mora rrugën për të punuar në Greqi si shumë bashkatdhetarë të tjerë, duke lënë pas Shqipërinë e katandisur si mos më keq nga Saliu. Më ndaluan në kufi dhe menjëherë më kthyen pas në vendlindje.

Nuk kam pasur asnjë dijeni për veprimet që ka ndërmarrë më pas në mungesë drejtësia greke ndaj meje. E megjithatë edhe sikur të kisha pasur dijeni, masa qortuese që ka dhënë Gjykata e Janinës nuk ka qenë e detyrueshme nga unë për t’u deklaruar si vendim administrativ. Gjë që përcaktohet shumë qartë në formularin e Ligjit për Dekriminalizimin, më konkretisht pika 7. Thënë këto, kjo nuk është aspak penalizuese për kandidimin tim si përfaqësues i Partisë Socialiste në Bashkinë Kuçovë. Pra, s’ka asnjë pengesë ligjore.

Megjithatë jam i hapur për çdo lloj verifikimi nga agjencitë tona ligjzbatuese ndërkohë që do të vijoj fushatën elektorale për të fituar mandatin e dytë. Kuçova ka hyrë në një rrugë të pakthyeshme transformimi dhe së bashku do të çojmë përpara kantieret e punët e nisura përgjatë mandatit tonë të parë", shkruan ai./ CNA.al

I dënuar më parë në Greqi?/ Kryebashkiaku i

Lajmet e fundit nga