web counter
LEXO PA REKLAMA!

SHKARKO APP

App Store
Google Play

Bamir Topi “bën për ujë të ftohtë” grupin e Alibeajt/ Janë dallkaukë politikë pa personalitet

30 Mars 2023, 20:44, Politikë CNA
Bamir Topi “bën për ujë të ftohtë” grupin e
Ish-presidenti Bamir Topi

Ish-presidenti Bamir Topi i ka cilësuar si dallkaukë politikë njerëzit e Enkelejd Alibeajt.

Topi tha në një intervistë me Marsela Karapançon se PD e vulës nuk përfaqëson politikisht atë që njerëzit duan të shohin te e djathta.

Ai pretendon se deputetët e vulës kanë mungesë personaliteti politik, pasi deklaroi se sapo i erdhi mundësia u strukën në zyrat e ngushta dhe iu gëzuan ofiqeve të Parlamentit.

“Alibia për të mos dëmtuar PD-në është falsitet në këtë pikë. Situata nuk u ekspozua sot, është e akumuluar dhe këta janë njerëz që do ta ripërsërisnin. Janë dallkautë politikë. Bëjnë një betejë të madhe dhe erdhën në këtë situatë. Nuk dua të komentoj si u futën në lojë struktura të tjera. Partia e Alibeajt nuk përfaqësonte politikisht atë që njerëzit shohin te PD-ja. Unë e kam parë grupimin e tij si një grup burokratësh parlamentarë që u strukën në ato zyrat e ngushta dhe iu gëzuan ofiqeve të Parlamentit.

Ky është një turp shumë i madh për atë grupim. Kjo tregon mungesë totale të personalitetit të tyre politik. Nuk ka rëndësi se çfarë bën Alibeaj sot, pasi ka figura të tjera rreth tij që kanë marrë emër prej Berishës. Situata ka ndryshuar. Varianti i parë është se njerëzit e Alibeajt mund të dëshmojnë mungesë qëndrueshmërie, e dyta është se ai që flet mbi presion, unë shoh një presion politik publik që Berisha ka bërë ndaj këtyre. E ka kuptuar që këta janë njerëz të shantazhueshëm dhe jo me karakter të fortë”, theksoi ish-presidenti./ CNA.al





Lajmet e fundit nga