web counter
LEXO PA REKLAMA!

SHKARKO APP

App Store
Google Play

Zotohet Këlliçi: Nuk preken punonjësit e bashkisë, do të kallëzoj patronazhistët

30 Mars 2023, 15:43, Politikë CNA

Zotohet Këlliçi: Nuk preken punonjësit e bashkisë, do

Kandidati i opozitës për Bashkinë e Tiranës, Belind Këlliçi, ka bërë një zotim gjatë një takimi me banorët e Njësisë Nr.4 në kryeqytet.

Këlliçi u ofroi garanci punonjësve aktualë të Bashkisë së Tiranës, se vendi i tyre i punës nuk do të preket. Nga ana tjetër, ai theksoi se abuzuesit me këtë vend pune dhe patronazhistët do të kallëzohen të gjithë në prokurori. 

“Nuk kam hyrë në këtë garë për t`i hequr bukën e gojës askujt që punon në Bashkinë e Tiranës për të mbajtur familjen. Punon me dinjitet dhe bën punën. Ama çfarë janë lidhje nepotike; çfarë janë njerëz që shkojnë dhe bëjnë patronazhistin dhe jo punonjësin e administratës publike; çfarë janë hajdutët e kompanisë 5D, se drejtorët e Erion Veliajt tani na janë bërë biznesmenë, na janë bërë ndërtues, do t'ua tregoj me emra, do t'ua nxjerr, dhe Erion Veliajn, unë prokuror nuk jam, gjyqtar nuk jam, unë kam për borxh një gjë, t`i çoj të gjithë te organet ligjzbatuese, t`i çoj në prokurori, t`i referoj. Ata do të marrin faturën që u takon”, tha Këlliçi./ CNA.al





Lajmet e fundit nga