E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Afera e McGonigal/ Denoncimi, Rama pjesë e sistemit të gjobëvënies ndaj biznesmenëve

30 Mars 2023, 10:05, Politikë CNA

Afera e McGonigal/ Denoncimi, Rama pjesë e sistemit të

Në deklaratën për mediat, kreu i PD-së, Sali Berisha, ka folur për aferën dhe skandalin e McGonigal dhe lidhjet e tij me kryeministrin Edi Rama.

Gjatë fjalës së tij, Berisha ngriti akuza se Rama është bërë pjesë e sistemit të gjobëvënies bashkë me ekipin e McGonigal ndaj biznesmenëve shqiptarë.

Ndër të tjera, Berisha është shprehur se sistemi i drejtësisë hesht për shkak të Ramës dhe se vijon të jetë e bllokuar ngritja e komisionit hetimor për aferën Rama-McGonigal.

"Përsëri vazhdon bllokimi i komisionit hetimor për aferën Rama-McGonigal.

Kjo është një aferë që kundërmon dhe dalin vazhdimisht fakte dhe dëshmi të reja.
Edi Rama, së bashku me Oleg Deripaskën, është faktor kryesor i korruptimit të shefit të kundërzbulimit të FBI, Charles McGonigal.

Edi Rama ka kryer një seri aktesh të dënueshme, qoftë në ligjet e SHBA-së, qoftë në ato të Shqipërisë.
Afera McGonigal është Uotergejti i këtij shekulli.

Edi Rama kontraktoi kryezbuluesin e SHBA-së si vrasës me pagesë të opozitës shqiptare.
Edi Rama, ka shumë të dhëna se u bë pjesë e ekipit gjobëvënës të McGonigal. Nuk ka asnjë vend tjetër në botë në të cilën drejtësia të mos thotë asnjë fjalë, me gjithë denoncimet publike të dy biznesmenëve të njohur.

Drejtësia është në vorbullën e aferës McGonigal. Sepse nuk mund të kuptohet që këta gjobëvënës, këta plaçkitës, qarkullojnë të lirë me avionë dhe helikopterë, në një kohë kur vendi i tyre është aty ku e kanë vendin të gjithë gjobëvënësit.

Por ata këtë sistem e kishin vendosur me miratim të Edi Ramës.
Ne nuk heqim dorë nga funksioni ynë kushtetues i kontrollit të ekzekutivit dhe institucioneve në përputhje me ligjet.

Edi Rama ka shkelur të gjitha ligjet e vendit. Ai është i implikuar në gjobëvënie që thuhet se arrin deri në 50 milionë euro. Jo vetëm në Shqipëri, por edhe në Kosovë.

Edi Rama e ka vendin aty ku e ka McGonigal sot. Nuk mund të shpëtojë nga drejtësia, ndaj dhe ne do insistojmë në ngritjen e komisioneve", shprehet Berisha./ CNA.al